Bul ózgeris memleket basshysynyń qurylysty uıymdastyrýǵa qatysty tapsyrmasyn oryndaý maqsatynda ázirlengen.
Ónerkásip jáne qurylys mınıstrliginiń málimdeýinshe, Qazaqstanda Qurylys salýdy uıymdastyrý jáne ruqsat berý rásimderinen ótý qaǵıdasyna ózgeris engizildi, dep habarlaıdy Almaty-akshamy.kz.
Vedomstvonyń málimetinshe, bul ózgeris memleket basshysynyń qurylysty uıymdastyrýǵa qatysty tapsyrmasyn oryndaý maqsatynda ázirlengen.
«Endi salynǵan obektilerdi (keshenderdi) paıdalanýǵa qabyldaý obektiniń qurylysyna bólingen aýmaqty abattandyrý jáne kógaldandyrý jónindegi jumystar oryndalǵannan keıin iske asyrylady», – delingen mınıstrlik taratqan habarlamada.
Mamandardyń paıymdaýynsha, kógaldandyrý qorshaǵan ortanyń ekologıalyq jaǵdaıyn jáne aýmaqty abattandyrýdy, ýchaskeniń syrtqy túrin jaqsartady, turǵyndardyń emosıonaldy jaǵdaıyna paıdaly áser etedi, sonymen qatar estetıkalyq qundylyqqa ıe.
«Obektilerdi paıdalanýǵa berýdiń ólshemsharttarynyń birin belgileý obektini salýǵa bólingen aýmaqty kógaldandyrýdyń bolýy úıdiń barlyq turǵyndarynyń jaılylyq deńgeıin edáýir arttyrýǵa, jel men shańdy ustap, atmosferadaǵy otteginiń quramyn arttyrýǵa, shý jáne shańdy joldar men óndiristerden úı mańyndaǵy keńistikti bólýge, aýlanyń kelbetin edáýir jaqsartýǵa múmkindik beredi», – deıdi mınıstrlik ókilderi.
Aıta keteıik, osy Qaǵıdaǵa sáıkes salynǵan obektilerdi qabyldaý Qazaqstan Respýblıkasynyń Azamattyq kodeksimen jáne "Qazaqstan Respýblıkasyndaǵy sáýlet, qala qurylysy jáne qurylys qyzmeti týraly" zańmen retteledi.
Bekitilgen jobaǵa sáıkes obektilerdiń jaı-kúıi salynǵan obektilerdiń tolyq ázirligin bildiredi. Soǵan sáıkes:
-kireberis esigi men tereze bloktary ornatylǵan;
-ishki árleý jumystary aıaqtalǵan;
-qabyrǵalary men tóbeleri sylanǵan jáne tegistelgen;
-eden jabynyn salý boıynsha tósem salynǵan (taza edender salýsyz);
-elektr kabelderi men symdaryn ótkizý kózdelgen, páter ishindegi bólý avtomattary ornatylǵan (turmystyq maqsattaǵy elektr tehnıkalyq aspaptarsyz, gazdy nemese elektrli as úı plıtalarsyz);
-aspaptardy ornatý oryndaryna deıin japqysh armatýrasy men tyǵyndary bar sý ótkizý jáne káriz qubyrlary júrgizilgen (sanıtarıalyq-tehnıkalyq jabdyq pen aspaptar ornatýsyz);
-tutynylǵan komýnaldyq qyzmetterdi esepteý aspaptary (úıge ortaq jáne jeke) ornatylǵan;
-jylytý aspaptary men terezelik jaqtaý taqtaılary ornatylǵan, eger shartta osy kózdelmese, atap kórsetilgennen asatyn kólemderdegi jumystar oryndalǵan;
-obekti ınjenerlik jáne komýnaldyq qamtamasyz etý kózderine qosylyp bolýy kerek.