Qazaqstan musylmandary dinı basqarmasy elimizde Quran jattap, qarı atanyp, ıjaza alǵysy keletinder úshin ıjaza berý ortalyǵyn ashýdy josparlap otyr.
Musylman elderinde quran jattaý ortalyqtary bar. Qazaqstandaǵy dinı basqarma da meshit janyndaǵy saýat ashý kýrstarynda Quran oqý men jattatýdy úıretip keledi. Al qarı bolǵysy keletinderge arnap Quran jattaý ortalyqtaryn ashty. Qazirgi tańda resmı tirkelip jumys jasap turǵan 7 qarılyq ortalyq bar, dep habarlaıdy Almaty-akshamy.kz Elorda.info-ǵa silteme jasap.
QMDB Dinı bilim jáne kadr daıarlaý bóliminiń meńgerýshisi Smaıyl Seıitbekov Qazaqstanda ıjaza berý ortalyǵyn ashýdy josparlanyp otyrǵanyn aıtty.
«Ijaza demekshi, birqatar qarılarymyz ıjaza alý úshin Túrkıa men Mysyrǵa baryp, ataqty qarılardan tálim alyp jatyr. Ijaza degenimiz – ardaqty Paıǵambarymyzdan kúni búginge deıin tini úzilmeı kele jatqan ustazdar tizbegimen beriletin ruqsatnama. Sol ıjazany alý ońaı emes. Bas múftıdiń sheshimine sáıkes ıjaza alǵysy keletin qarılarǵa arnap, ıjaza berý ortalyǵyn ashýdy josparlap otyrmyz. Ortalyqqa tanymal sheteldik qarılardy shaqyrtý jumystary júrgizilip jatyr. Sebebi olardyń bul saladaǵy tájirıbesi mol. Maqsatymyz - solardyń tájirıbesin meńgerip, otandyq qarılardyń deńgeıin kóterý. Nátıjesinde aldaǵy ýaqytta bizdiń de qarılarymyz birneshe qyraǵat ıesi bolyp, ıjaza beretin qarılarymyzdyń sanyn artatyn bolady», – deıdi Smaıyl Seıitbekov.