USB eldegi "qyzmetkerlerdiń sany jáne jalaqysy" týraly málimetterdi jańartty.
Búro taratqan málimette ótken toqsanymen salystyrǵanda aılyq jalaqysynyń ortasha máni 3,2%-ǵa tómendegen, naqty jalaqy ındeksi 95,3% quraǵan, dep habarlaıdy aqshamnews.kz
«2024 jylǵy III toqsanda Qazaqstan Respýblıkasy boıynsha aılyq jalaqynyń ortasha máni 2023 jylǵy tıisti toqsanǵa qaraǵanda 11,3%-ǵa ósip, 390 328 teńgeni qurady. Qazaqstan Respýblıkasyndaǵy jalaqynyń medıanalyq máni baǵalaý boıynsha 2024 jyldyń III toqsanynda 269 378 teńgeni qurady»,-delingen habarlamada.
«2023 jyldyń tıisti toqsanymen salystyrǵanda ortasha aılyq jalaqynyń eń joǵary ósýi aqparat jáne baılanysta – 28,1 ese, qarjy jáne saqtandyrý qyzmeti – 24,3%-ǵa, jyljymaıtyn múlikpen operasıalar – 18,7%-ǵa, óner, oıyn-saýyq jáne demalys – 18,0%-ǵa, salalarynda baıqaldy. Ónerkásipte ortasha aılyq jalaqy – 13,8%-ǵa ósti, onyń ishinde elektr energıasymen, gazben, býmen, ystyq sýmen jáne aýany kondısıalaýmen jabdyqtaý salasynda – 20,6%-ǵa, sýmen jabdyqtaý; sý burý; qaldyqtardy jınaý, óńdeý jáne joıý, lastanýdy joıý boıynsha qyzmet salasynda – 18,3%-ǵa»,-delingen habarlamada.
2023 jyldyń tıisti toqsanymen salystyrǵanda ortasha aılyq jalaqynyń eń tómengi ósýi, memlekettik basqarý jáne qorǵanys; mindetti áleýmettik qamsyzdandyrý– 5,9%-ǵa, qurylys– 5,3%-ǵa salalarynda baıqalǵan. Salalyq qurylymda eń joǵary ataýly jalaqy taý-ken óndirý ónerkásibi jáne karerlerdi qazýda– 2,2 ese, qarjy jáne saqtandyrý qyzmeti – 2,1 ese, kásibı, ǵylymı jáne tehnıkalyq qyzmetinde – tıisinshe 1,5 ese , kólik jáne jınaqtaýda – 1,4 ese joǵary bolyp tirkelgen.