140-qa jýyq kazıno jáne 2000-nan astam oıyn avtomattary bolǵan.
Sonnymen qatar Qazaqstanda oıyn bıznesi týraly zańnamaǵa 62 túzetý ázirlendi, dep habarlaıdy Almaty-akshamy.kz
2023 jyldyń basynan Mádenıet jáne sport mınıstrligi oıyn bıznesi salasyndaǵy 6 lısenzıanyń kúshin sot tártibimen toqtatty. Osyǵan uqsas taǵy 7 uıymǵa qatysty jumys júrgizilip jatyr.
Aıta keteıik, 2022 jyly memlekettik baqylaý aıasynda jospardan tys tekserýler júrgizilip, 7 ákimshilik is qozǵaldy. Nátıjesinde 1 oıyn avtomattary zaly lısenzıadan aıyryldy, birinshi ınstansıa sottyń sheshimimen úsh zaldyń qyzmeti toqtatyldy, 6 ákimshilik aıyppul salyndy. Budan bólek, aldyn-alý jumystardyń qorytyndysy boıynsha 15 býkmekerlik lısenzıanyń kúshi joıyldy.
Qazirgi mınıstrliktiń tikeleı qatysýymen oıyn bıznesi, lotereıa jáne lotereıa qyzmeti salasyndaǵy zańnamaǵa, ilespe normatıvtik-quqyqtyq aktilerge 62 túzetý engizýdi kózdeıtin 3 zań jobasy ázirlendi. Bul sharalar zańnamany buzǵandarǵa jaýapkershilikti kúsheıtýge, jaǵymsyz áleýmettik jáne ekonomıkalyq saldardyń aldyn alýǵa jáne eskertýge baǵyttalǵan. Qumar oıyndarǵa táýeldik máselesine erekshe nazar aýdarylyp otyr.
"Qazaqstanda oıyn mekemeleriniń sany 50 eseden astam qysqardy. Buǵan deıin elde 140-qa jýyq kazıno jáne 2000-nan astam oıyn avtomattary zaly bolǵan. Búginde 39 lısenzıalanǵan mekeme qaldy: 6 kazıno, 10 oıyn avtomattary zaly, 17 býkmekerlik keńse, 6 totalızator. Mınıstrlik depýtattar tobymen birlesip zańsyz oıyn bıznesimen jáne qumar oıyndardyń taralýymen kúresý baǵytynda qosymsha zańnamalyq sharalar ázirlep jatyr", - delingen Mádenıet jáne sport mınıstrliginiń habarlamasynda.