1 shildege deıin barlyǵy 205 915 sheteldik avtokólik esepke qoıyldy.
İİM zańdastyrýdan ótken sheteldik kólikterdiń sanyn jarıalady, dep habarlaıdy Almaty-akshamy.kz
Ákimshilik polısıa komıtetiniń tóraǵasy Qaısar Sultanbaevtyń aıtýynsha, zańdastyrylǵan avtokólikterdiń basym kópshiligi Keden odaǵynyń quramyndaǵy úsh elge tıesili. Olar:
Reseı – 136 636 kólik (66.3%);
Armenıa – 37 914 kólik (18.4%);
Qyrǵyzstan – 22 144 kólik (10.7%);
Sheteldik kólikterdiń basym bóligi ońtústik aımaqtarda tirkelgen.
Almaty qalasy – 21 115 birlik (10,3%);
Aqtóbe oblysy – 20 876 (10,1%);
Shymkent qalasy – 15 145 (7,4%);
Batys Qazaqstan oblysy – 14 204 (6,9%);
Atyraý – 14 197 (6,9%);
Qyzylorda oblysynda – 13 695 (6,7%);
"Ótinimdi ýaqytynda bergen, biraq kólikti zańdastyryp úlgermegen Qazaqstan azamattyryna belgilengen merzimnen keıin zańdastyrýǵa múmkindik berilip otyr", - dedi Sultanbaev ortalyq komýnıkasıalar qyzmetinde ótken brıfıńte.
Budan bólek, bıyl 22 mamyrdan bastap konstrýktor-avtokólikterin zańdastyrýǵa ruqsat berildi. Búgingi tańda 14 654 avtokonstrýktor zańdastyrýdan ótti.