Bıyl jańa oqý jylynda 370 myńnan astam bala mektep tabaldyryǵyn attaıdy.
Búginde Aqmola, Almaty, Jetisý men Pavlodar oblystary balalardy mektepke tolyq qabyldap boldy. Ótinim berý 31 tamyzǵa deıin jalǵasa beredi, dep habarlaıdy aqshamnews.kz 24.kz-ke silteme jasap.
Búginde elimizde 8 myń shamasynda mektep bar. Qazir bilim berý mekemelerinde jańa oqý jylyna qyzý daıyndyq júrip jatyr. Jyl sońyna deıin myń mektep jańǵyrtýdan ótse, taǵy myń arnaıy kabınet ashylady. Iaǵnı, robototehnıka, hımıa, bılogıa, fızıka, STEM sekildi zamanaýı pándik kabınetter jańadan jabdyqtalatyn bolady. Sonymen qatar ınklúzıvti bilim berýge de erekshe nazar aýdarylyp otyr. «Bul sharalar aýyl men qala mektepteri arasyndaǵy alshaqtyqty azaıtýdy kózdeıdi», – deıdi mamandar.
Mereke Amangeldiqyzy, QR Oqý-aǵartý mınıstrliginiń resmı ókili:
- Arnaıy bilim berý uıymdarynyń jelisi de artyp keledi. Inklúzıvti oqytý úshin jaǵdaı jasaǵan mektepterdiń sany 88% deıin, al balalardy arnaıy psıhologıalyq-pedagogıkalyq qoldaý ortalyǵymen qamtý 80% deıin artty. Inklúzıvti bilim berýge jaǵdaı jasaý boıynsha qosymsha talaptar ázirlendi.