Qujat talqylaý úshin «Ashyq NQA» portalyna jarıalandy.
Qazaqstan Úkimeti memlekettik aktıvterdi satý erejesi ózgertpek, dep habarlaıdy Almaty-akshamy.kz.
«Jekeshelendirý obektilerin satý qaǵıdalaryn bekitý týraly» qaýlyǵa ózgerister men men tolyqtyrýlar engiziledi.
Engiziletin ózgeriske sáıkes, saýdaǵa qatysý úshin tólenetin kepildik jarnanyń shekti mólsheri alynyp tastalady. Buǵan deıin aktıv qunynyń kem dende 15 paıyzynan maksımým 30 myń AEK-ke (110,7 mln teńge) deıin kepilik jarna quıa alatyn. Endi aýksıonǵa qatysýshy aktıv qunynyń tek 15 paıyzyn tóleı alady.
Avans nemese túpkilikti tólem merzimi keshiktilise, endi tólenbegen somanyń 0,5%-daı ósimpul júredi. Buǵan deıin tólem keshiktirilse, satýshy shartty birjaqty tártippen buzýyp, satyp alýshydan kepildik jarnamen jabylmaǵan shyǵynyn ótep alatyn. Endli shart buzardan 10 kun buryn tólenbegen somanyń 0,5 paıyzyna teń ósimaqy óndiriledi.
«Avanstyq nemese túpkilikti tólemniń merzimi On jumys kúninen aspaıtyn merzimge ótken jaǵdaı satýshynyń satyp alý-satý sharty boıynsha merzimi ótken árbir kún úshin tólenbegen tólem somasynan 0,5 paıyz mólsherinde ósimpul alady», – delingen salystyrmaly kestede.
Eger avanstyq nemese túpkilikti tólemniń merzimi on jumys kúninen asatyn bolsa, satyp alý-satý sharty satyp alýshyǵa kepildi jarnamen jabylmaǵan bóliginde naqty shyǵyndardy óteý týraly talaptar qoıyla otyryp, birjaqty tártippen buzylady. Sonymen qatar, tizilimniń veb-portalynda qalyptastyrylatyn saýda-sattyq nátıjeleriniń kúshin joıý týraly aktige qol qoıylady.
Qujatta satýshylarǵa qatysty ózgerister de bar. Memlekettik kompanıalar aýksıon týraly aqparatty áleýmettik jelilerinde ornalastyryp, habarlamamen birge tizilimniń veb-portalyna silteme qosady. Al habarlamanyń ózinde endi memleket menshigindegi baǵaly qaǵazdardy satý týraly aqparatty ashý qajet. Qaýlyny talqylaý 2024 jyldyń 20 mamyryna deıin jalǵasady.