Sıfrlyq aqparat quraldarynyń kóbeıýi men elektrondyq kitaptardyń paıda bolýy kitaphanalardyń joıylyp ketýine ákelmeıdi - mamandar.
Byltyr kitaphanaǵa barý boıynsha rekordtyq jyl boldy. Ulttyq statısıka búrosynyń málimeti boıynsha, kelýshiler sany 2021 jyly 6 mıllıon adamnan asqan, dep habarlaıdy Almaty-akshamy.kz «Habar 24»-ke silteme jasap.
«Biz kitapqumarlar klýbynda árbir shyǵarmany ne bolmasa týyndyny bastan-aıaq zertteımiz. Ártúrli janralardaǵy kitaptardy oqyp, ony taldaımyz. Biraq oqyrmandardyń kópshiligi roman, qazaq ádebıeti, ýtopıa, dıstopıa jáne fantasıka, qıal janryn jaqsy kóredi», - dedi oqyrmandar klýbynyń quryltaıshysy Mádına Sádýaqasova.
«Búginde qazaqstandyq jazýshylardyń týyndylary suranysqa ıe», - deıdi Astanadaǵy ortalyq kitaphana ókilderi. Aıta keteıik, munda jyl saıyn 7 myńnan astam jańa oqyrman tirkeledi. Sonymen qatar eger paıdalanýshylardyń 30% stýdentter bolsa, qalǵandary orta jastaǵy adamdar men zeınetkerler.
«Qazir kitapsúıer qaýymnyń sany artýda. Bul bir úrdis sekildi. Jastar jańa týyndylarǵa qyzyǵýshylyq tanytady jáne İlıas Esenberlınniń «Kóshpendiler» kitabyn qazaq jáne orys tilinde oqıtyndar kóp. Sondaı-aq, Ahmet Baıtursynov pen Berdibek Soqpaqbaevtyń týyndylary da suranysqa ıe», - deıdi M. Áýezov atyndaǵy ortalyq qalalyq kitaphana bóliminiń basshysy Gúlaıym Jumabaeva.
Sheteldik, sondaı-aq qazaq jáne orys klasıkteriniń romandaryna da suranys artqan. Aıtpaqshy, oqyrmandardyń 34% - kitaphanalardyń ınternet-resýrsyn paıdalanýshylar.