34 zań jobasyn ázirleý kózdelgen.
Úkimet otyrysynda Ádilet mınıstri Qanat Mýsın Qazaqstan Respýblıkasy Úkimetiniń 2023 jylǵa arnalǵan zań jobalaý jumystarynyń josparyn tanystyrdy, dep habarlaıdy Almaty-akshamy.kz
Qanat Mýsın Úkimettiń 2023 jylǵa arnalǵan zań jobalaý jumystary josparynyń jobasynda 34 zań jobasyn ázirleý kózdelgenin, onyń ishinde 15 zań jobasy birinshi jartyjyldyqta, 19 zań jobasy ekinshi jartyjyldyqta Parlamentke usynylýy tıis ekenin aıtty.
Jalpy, mınıstrdiń aıtýynsha, Jospar jobasy prezıdent aıqyndaǵan mindetter men memlekettiń strategıalyq qujattary negizinde jasalǵan.
«Qala qurylysy kodeksi men Búdjet kodeksin, jer qoınaýyn paıdalaný, memlekettik-jekeshelik áriptestik, kóshi-qon, memlekettik satyp alý, salyq salý máseleleri boıynsha zań jobalaryn ázirleý, sondaı-aq ákimshilik sot tóreligin, qylmystyq, qylmystyq is júrgizý jáne ákimshilik zańnamany jetildirý josparlanýda», dedi Qazaqstan Respýblıkasynyń Ádilet mınıstri Qanat Mýsın.
Sonymen qatar, Ádilet mınıstrliginiń basshysy Sý kodeksin, sondaı-aq tutynýshylardyń quqyqtaryn qorǵaýǵa, buqaralyq aqparat quraldaryna jáne akvakýltýraǵa qatysty jańa redaksıadaǵy zań jobalaryn ázirleý josparlanyp otyrǵanyn aıtty.
Buǵan deıin Úkimet otyrysynda QR Ádilet mınıstri Qanat Mýsın «Tuńǵysh Prezıdent – Elbasy týraly» zańnyń joǵalýyna baılanysty jumys qalaı júrip jatqanyn aıtyp berdi.
Onyń aıtýynsha, Elbasynyń mártebesin joıý týraly zań jobasy áli departament qaraýyna túsken joq.