Almatyda Bıbigúl Smaqova men Gúlnár Tabanovanyń kórmesi ótedi. Kórme 29 qarashaǵa deıin jalǵasady.
Qarashanyń 15 men 29 kúnderi aralyǵynda Almatyda sýretshiler Bıbigúl Smaqova men Gúlnár Tabanovanyń «Armanǵa aparar jol» atty kórmesi ótedi, dep habarlaıdy Almaty-akshamy.kz.
Smakova Bıbigúl 1969 jyly dúnıege kelgen. 1989 jyly N.Gogol atyndaǵy Almaty kórkemsýret ýchılıshesiniń teatr-dekorasıa fakúltetin jáne 1999 jyly Shákárim atyndaǵy Semeı Memlekettik Ýnıversıtetiniń kórkemsýret-grafıka fakúltetin bitirgen. Oqýdy aıaqtaǵannan keıin pedagogıkalyq kolejde beıneleý ónerinen sabaq berdi. Alaıda, birneshe jyldyq pedagogıkalyq qyzmetten keıin B. Smakova shyǵarmashylyqty uzaq jyldarǵa qaldyrýǵa májbúr bolǵan. Búgingi tańda B. Smakova shyǵarmashylyq pen balalardy oqytýmen aınalysýdy jalǵastyrýda, sondaı-aq halyqaralyq kórmelerdiń uıymdastyrýshysy jáne qatysýshysy.
Tabanova Gúlnara N. Gogol atyndaǵy Almaty kórkemsýret ýchılıshesin jáne Abaı atyndaǵy Qazaq memlekettik pedagogıkalyq ýnıversıtetin bitirgen. Ol 30 jyldan astam Abaı atyndaǵy Qazaq Ulttyq opera jáne balet teatrynda jumys istep kele jatyr. Sýretshi tanymal óner qaıratkerleri Roza Baǵlanova, Mádına Eralıeva, Baǵdat Samedınova jáne t.b. bas kıimderin jasaǵan. G. Tabanova «Mádenıet qaıratkeri» ataǵyna ıe bolǵan (2005) jáne Eýrazıalyq shyǵarmashylyq gıldıasynyń múshesi bolyp tabylady (2019).
«Armanǵa aparar jol» – Bıbigúl Smaqovanyń shyǵarmashylyq jolynyń qalyptasýyna úles qosqan anasyna degen sheksiz súıispenshiligine, jáne Gúlnara Tabanovamen dostyǵyna arnalǵan kórme. Kórmede sýretshiler arasyndaǵy 40 jylǵa jýyq dostyq birtutas shyǵarmashylyq tandemde usynylady.