Bıylǵy II toqsanda jan basyna shaqqandaǵy eń tómengi kúnkóris deńgeıiniń shamasy aıyna 43 100 teńge bolǵan.
Qazaqstanda kedeılik sheginde ómir súretin halyq sany artty, dep habarlaıdy dep habarlaıdy Almaty-akshamy.kz
Úı sharýashylyqtaryn iriktemeli zertteý boıynsha tabysy eń tómengi kúnkóris deńgeıinen tómen halyqtyń úlesi (kedeılik deńgeıi) 2022 jylǵy II toqsanda 5,1% boldy, bul 2021 jylǵy tıisti kezeńmen salystyrǵanda 0,3 paıyzǵa joǵary.
Abaı, Almaty, Jetisý, Qaraǵandy, Ulytaý jáne Shyǵys Qazaqstan oblystary boıynsha baǵalaý derekteri keltirilgen.
Kedeılik qaýpine úı sharýashylyqtarynyń kólemi qatty áser etedi. Osylaısha, 5 jáne odan da kóp adamnan turatyn úı sharýashylyqtary arasyndaǵy kedeılik deńgeıi 2022 jylǵy II toqsanynyń qorytyndysy boıynsha 9,3%, bul jalpy kedeılik deńgeıinen 2 esege jýyq artyq, - delingen Statısıka komıteti taratqan habarlamada.
Esterińizge sala keteıik, el boıynsha 2022 jylǵy II toqsanda aıyna orta eseppen jan basyna shaqqandaǵy eń tómengi kúnkóris deńgeıiniń shamasy 43 100 teńgeni qurady.