Bıyl qazaq jylqysynyń tuqymyn saqtaý jáne kóbeıtý úshin arnaıy zań qabyldandy.
Prezıdent Qasym-Jomart Toqaev jylqy sharýashylyǵy ınstıtýtyn qurýdy tapsyrdy, dep habarlaıdy aqshamnews.kz
Memleket basshysy jylqy sany úzdiksiz ósip kele jatqanyn, biraq asyl tuqymdy jylqynyń úlesi bir paıyzǵa da jetpeıtinin erekshe atap ótti. Resmı málimetke sáıkes, 4,2 mıllıon jylqynyń 40 myńy ǵana asyl tuqymdy. Sondyqtan mal tuqymyn asyldandyrý jumysyna basa mán bergen jón.
"Bıyl qazaq jylqysynyń tuqymyn saqtaý jáne kóbeıtý úshin arnaıy zań qabyldadyq. Endi bul baǵytta taǵy bir mańyzdy qadam jasaımyz. Men Úkimetke Jylqy sharýashylyǵy ınstıtýtyn qurýdy tapsyramyn. Bilikti mamandar muny kópten beri aıtyp júr. Quzyrly organdar qysqa merzim ishinde osy máseleni pysyqtap, qarjy kózderin naqtylaýy kerek", - dedi Toqaev.
Memleket basshysy Qostanaı jylqysynyń joǵalyp ketýdiń az-aq aldynda turǵanyn da jetkizdi. Búginde nebári 280 bas qalǵan.