Negizi Qazaqstan aǵash qory az memleketter qataryna kiredi.
Onyń 70 paıyzǵa jýyǵy otyn, qalǵany óndiristik maqsatqa paıdalanylady, dep habarlaıdy Almaty-akshamy.kz.
El aýmaǵynyń 5 paıyzy ǵana - ormandy alqap.
Sondyqtan turǵyndar tutas ormandar joıylyp jatyr dep dabyl qaǵyp, jón-josyqsyz kesilip jatqanyna narazy.
Aq qaıyńdar ólkesi Soltústik Qazaqstanda 546 myń gektar ormandy alqap bar, onyń 6 myńnan astam gektary jyl saıyn otynǵa jáne óndiristik maqsatqa kesiledi. Al egiletini 1 myń gektarǵa da jetpeıdi.
Odan bólek, zańdy tulǵalar bir tekshe metr qaıyńdy jazdyryp alý úshin 2900 teńge tóleıdi. Otyn daıyndaýshylar ony kem degende 10 myń teńgege satyp, eselep paıda tabady.