Búginnen bastap elimizde júrgizýshi kýáligin alý talaptaryna ózgeris engizildi.
Úmitkerler elektrondyq úkimet portaly arqyly teorıalyq nemese praktıkalyq synaq tapsyratyn kezde bıometrıalyq sáıkestendirýden óte almasa jarty jyl boıy emtıhan tapsyrý quqyǵynan aırylady. Jańa talaptarǵa sáıkes teorıalyq emtıhan ótetin synyptar arnaıy qondyrǵylar, beınebaqylaý kameralarymen jabdyqtalýy tıis, dep habarlaıdy Almaty-akshamy.kz.
Al tájirıbelik emtıhandy avtomekteptiń kóliginde nusqaýshynyń qatysýymen tapsyrýǵa ruqsat etiledi. Úmitkerlerge beriletin tapsyrmalar sany kóbeıip, júrgizýshi kýáligin alý prosesi kúrdelene tústi. İshki ister mınıstrliginiń ókilderi engizilgen ózgerister júrgizýshilerdi daıarlaý sapasyn arttyrý men jemqorlyq táýekelderin azaıtýǵa baǵyttalǵanyn atap ótti.