2025 jyldyń 1 qarashasyndaǵy málimetke sáıkes, Qazaqstanda jumyssyzdyq boıynsha áleýmettik tólem alýshylar sany 308,4 myń adamǵa jetti. Bul týraly Eńbek mınıstrligi málimdedi, dep habarlaıdy Aqshamnews.kz tilshisi.
Mınıstrlik derekterine qaraǵanda, 268,6 myń adamǵa bıyl alǵash ret jumyssyzdyq boıynsha járdemaqy rásimdelgen. Jyl basynan beri MÁSQ tarapynan jalpy soma 106,8 mlrd teńge tólengen. Salystyrý úshin: 2024 jyly jumyssyzdyq boıynsha áleýmettik tólemderdi 1,4 mln qazaqstandyq alǵan.
Járdemaqy 1–6 aı aralyǵynda tólenedi jáne joǵalǵan tabystyń 45%-yna deıin óteıdi. Tólem mólsheri azamattyń jumys ótili men sońǵy eki jyldaǵy ortasha tabysyna baılanysty esepteledi.
Aıta keteıik, jumyssyzdyq boıynsha járdemaqy azamat resmı túrde jumyssyz mártebesin alǵan kúnnen bastap taǵaıyndalady.
11 qarashada «Azamattarǵa arnalǵan úkimet» KEAQ qazaqstandyqtarǵa járdemaqy alý tártibi men qajetti qujattar týraly túsindirý jumysyn júrgizgen bolatyn.
Járdemaqy alý úshin kelesi sharttar oryndalýǵa tıis:
-
ótinish berýshi resmı túrde jumys istegen bolýy kerek;
-
keminde 6 aı kóleminde áleýmettik aýdarymdar tólengen bolýy qajet;
-
azamat resmı jumyssyz mártebesin alýy tıis.
Mınıstrlik jumyssyzdyq boıynsha tólemder eńbek naryǵyndaǵy azamattardy áleýmettik qorǵaý tetigi bolyp qala beretinin atap ótti.