Qazaqstandyq aktrısa ári prodúser Darıǵa Badyqovanyń fılmderi otandyq prokatta jańa rekord ornatty. Keıingi úsh jylda jaryq kórgen týyndylarynyń jalpy tabysy 4,7 mlrd teńgeden asyp, qazaq kınoındýstrıasy tarıhynda buryn-sońdy bolmaǵan kórsetkishke jetti, dep habarlaıdy Aqshamnews.kz tilshisi.
Rentrak júıesiniń resmı málimetteri boıynsha, 2023–2025 jyldary prokatqa shyqqan Badyqovanyń fılmderi mynadaı tabys ákelgen:
-
«Taptym-aý seni» (2023) – 1 834 702 810 teńge
-
«Ystyq uıa» (2025) – 1 754 600 300 teńge
-
«Taptym-aý seni 2» (2024) – 1 198 850 506 teńge
Úsh fılmniń jıyntyq tabysy — 4 mlrd 788 mln teńgeden joǵary.
Prodúserdiń sońǵy jobasy dramalyq «Ystyq uıa» fılmi prokatqa shyqqannan keıin az ýaqyt ishinde-aq 1,7 mlrd teńgeden asa qarjy jınap, 2025 jyldyń eń kasaly qazaqstandyq fılmi atandy. Túsken tabys kólemi boıynsha ol Qazaqstan tarıhyndaǵy barlyq fılmder ishinde ekinshi orynǵa shyqty.
Al reıtıńtiń birinshi satysynda áli kúnge deıin Badyqovanyń óz týyndysy – «Taptym-aý seni» fılmi tur.