Bilim mınıstri Asqat Aımaǵambetov bilim sapasy boıynsha elderdiń reıtıńisi retinde jıi qabyldanatyn zertteý týraly jazdy.
Bul jerde PISA zertteýi jaıly sóz bolmaq, dep habarlaıdy Almaty-akshamy.kz Elorda.info saıtyna silteme jasap.
Mınıstrdiń sózinshe, PISA-nyń kóptegen reıtıńten aıyrmashylyǵy - upaılardy ǵana emes, sonymen birge kontekstik faktorlardy da zertteıtindiginde.
Sondaı faktorlardyń biri – 15 jastaǵy oqýshylardyń mansaptyq josparlary. Bul týraly elimizdiń bas ustazy túsindirip jazyp ótken.
Qazaqstanda jasóspirimderdiń jartysynan kóbi keń taralǵan mamandyqtardy tańdaıdy.
Zertteýdiń barlyq úsh sıklinde mansaptyq tańdaýdyń aldyńǵy qatarynda dáriger mamandyǵy tur. Mysaly, jalpy tájirıbelik dáriger PISA-2022 (9%), PISA-2015 (10%) jáne PISA-2018 (5%) zertteýinde eń jıi tańdalǵan.
"Jasóspirimderdiń pedagog mamandyǵyna qyzyǵýshylyqtary aıtarlyqtaı artqanyn zertteýler de kórsetti. Meniń oıymsha, bul - bizdiń muǵalim mártebesin kóterýge baǵyttalǵan jumysymyzdyń nátıjesi. Zertteýdiń úsh sıkli ishinde osy mamandyqqa qyzyǵýshylyq tanytqan oqýshylardyń úlesi eki esege nemese 5%-ǵa ósti. Atap aıtqanda, osy mamandyqty tańdaý boıynsha PISA 2015 zertteýinde 7-oryn bolsa, al PISA-2022-de 2-orynǵa deıin kóterildi. 2022 jyly oqýshylardyń 9%-y «Jalpy bilim beretin mekteptegi muǵalim» mamandyǵyn bolashaq mamandyǵy retinde tańdady", - dedi Aımaǵambetov.
PISA-2022 zertteýiniń qorytyndysy boıynsha, tańdaýly mamandyqtardyń alǵashqy ondyǵyna AKT mamandyqtary kiredi dep kútilip otyr.
"Sonymen qatar jıi tańdalatyn mamandyqtardyń ondyǵyna jańa mamandyqtar endi. Bul - «Stomatologtar» (4%), «Taýarlar men kıim dızaınerleri» (3%), «Ǵımarattar men qurylystardyń sáýletshileri» (3%), «Sport jattyqtyrýshylary, nusqaýshylary jáne sport salasyndaǵy mamandar» (2%), «Psıhologtar» (2%), «Kosmetologtar jáne olarmen baılanysty mamandar» (1%), «Jarnama jáne marketıń salasyndaǵy mamandar» (1%), «Grafıkalyq jáne mýltımedıalyq dızaınerler» (1%). Jaqynda mektep túlekterine jazǵan hatymda aıtqan bolashaq mamandyqty tańdaýǵa qatysty usynystarymdy taǵy da eske salǵym keledi", - dedi ol.