Elde sıntetıkalyq esirtkilerdiń jastar arasynda taralýynyń aldyn alýǵa baǵyttalǵan granttyq joba iske asa bastady.
Aqparat jáne qoǵamdyq damý mınıstrliginiń málimetinshe, mundaǵy maqsat – esirtki qylmysyna qarsy is-qımyldy júrgizý jáne jastar arasynda sıntetıkalyq esirtkilerdiń taralýynyń, paıdalanylýynyń aldyn alý, dep habarlaıdy Almaty-akshamy.kz QazAqparatqa silteme jasap.
«Sońǵy jyldary esirtkiniń taralýyna qarsy kúres salasyndaǵy jaǵdaı ózgerdi. Dástúrli esirtkini sıntetıkalyq esirtki degen jańa psıhotroptyq zattar aýystyrdy. Olar baǵasynyń arzandyǵymen, aıqyn psıhotroptyq áserimen, táýeldiliktiń jyldam qalyptasýymen erekshelenedi», - deıdi «Serǵalı-Túrkistan» RQB tóraıymy Sholpan Ýsmanova.
Joba aıasynda densaýlyq saqtaý, ishki ister organdarynyń psıholog, narkologıa qyzmeti mamandary orta, arnaıy orta jáne joǵary oqý oryndarynda oqýshylar men stýdent jastar arasynda sıntetıkalyq esirtkini qoldanýdyń qaýiptiligi men saldaryn túsindirý sharalaryn ótkizedi. Sondaı-aq, joba aıasynda qazaqstandyqtar qońyraý shalyp, esirtkini paıdalaný nemese ótkizý faktileri týraly habarlaı alatyn qyzmet qurý kózdelgen.