Elimizde jas ǵalymdarǵa Úkimet tarapynan jyl saıyn 200 baspana bólinedi. Al profesorlardyń jalaqysy jyl saıyn 20%-ke ósedi. Bul týraly Jetisý óńirine sapary barysynda Ǵylym jáne joǵary bilim mınıstri Saıasat Nurbek málimdedi.
Salaǵa aldaǵy 3 jylda 650 mıllıard teńge bólinedi. Onyń 6,5 mlrd teńgesi ǵylymdy damytýǵa jumsalady. Aqysyz jumys atqaratyn Ulttyq ǵylymı keńes múshelerine aılyq taǵaıyndaý jaıy da qarastyrylyp jatyr.
Mınıstrlik óz kezeginde óńirlerdegi joǵary oqý oryndaryn damytýǵa kúsh salady. Ol úshin 15 óńirlik, 5 pedagogıkalyq ýnıversıtet tańdaldy. Sonyń biri – İlıas Jansúgirov atyndaǵy Jetisý memlekettik ýnıversıteti. Vedomstvo basshysy ýnıversıtettiń materıaldyq-tehnıkalyq bazasymen tanysyp, kitaphanasy men telestýdıasyn kórdi. Jataqhana máselesi de sóz boldy.