Partıany tirkeý úshin onyń quramynda keminde 20 myń partıa múshesi bolýy kerek
Bul týraly QR Ádilet mınıstri Qanat Mýsın málim etti, dep habarlaıdy Almaty-akshamy.kz BAQ.KZ-ke silteme jasap.
«Búginde 3 partıa tirkeý rásiminiń birinshi kezeńinen ótti. Qazir bolashaq partıalar sıezi ótkizý jáne partıa aktıvin qalyptastyrý satysynda. Qoldanystaǵy zańǵa sáıkes, partıany tirkeý úshin onyń quramynda keminde 20 myń partıa múshesi bolýy kerek. Sonymen qatar elimizdiń ár óńirinde keminde 600 partıa múshesi bolýy tıis», - dedi Qanat Mýsın ortalyq komýnıkasıalar qyzmeti alańynda ótken baspasóz máslıhatynda.
Mınıstrdiń aıtýynsha, búginde «Halyq derbestigi» partıasy sez ótkizip, óz músheleriniń tizimin usyndy.
Odan bólek «Namys» jáne «Baıtaq» partıasy sez ótkizý satysynda tur.
«Tirkelýge nıetti basqa da partıalar bar. Biraq olar tirkelý rásiminen ótken joq. Sebebi olardyń qujattary zań talaptaryna sáıkes kelmeıdi. Jalpy 2019 jyldan bastap 18 saıası partıa retinde tirkeýdi suraǵan habar kelip tústi. Tek 2019 jyldyń ózinde 5 partıa ótinish berdi. Biraq búginde olardyń ótinishi kúshin joǵaltty. Endi 13 partıa bar, onyń 3-i týraly joǵaryda aıtyp óttim. Qalǵan partıalar boıynsha uıymdastyrý prosesi júrip jatyr», - deıdi ol.