Qala basshysy Erbolat Dosaev jylý berý maýsymyna daıyndyq máseleleri boıynsha kóshpeli keńes ótkizdi
Jumys sapary barysynda qala basshysy Erbolat Dosaev qazandyqtarda, JEO-2-de boldy jáne Almaty ákimdigi basqarmalary men komýnaldyq kásiporyndar basshylarynyń qatysýymen megapolısti jylý berý maýsymyna daıyndyq máseleleri boıynsha kóshpeli keńes ótkizdi, dep habarlaıdy Almaty-akshamy.kz.
Alǵashqy obekt Bostandyq aýdanynda ornalasqan Ońtústik aýdandyq qazandyq boldy. Erbolat Dosaev 200 myń tutynýshyny qamtı otyryp, qalanyń ońtústik aýdanynda qazandyq qýatyn arttyrýǵa jáne energıa tapshylyǵyn jabýǵa múmkindik beretin iri jylý magıstralin qaıta qurý barysymen tanysty.
Búgingi kúni 4 qazandyqtyń 2 qazandyǵyn aýystyrý jáne 1 qazandyqty qaıta qurý boıynsha jumystar oryndaldy. Qala ákimi jelilik sorǵylar men №2 qazandyq boıynsha aıaqtalmaǵan jumystary jóninde eskertý berdi, energetıka jáne sýmen jabdyqtaý basqarmasy jylý berý maýsymy bastalǵanǵa deıin jumystardy aıaqtaýy qajet. Erbolat Dosaev aýdandaǵy jańa turǵyn úı qurylysyna baılanysty qýattylyqtyń artýymen Ońtústik aýdandyq qazandyqty keńeıtýdi qarastyrýdy tapsyrdy.
Almaty ákimine «Premera» qazandyǵyn keńeıtý jumystarynyń barysy týraly baıandaldy. Joba 5 qazandyq pen qosalqy jabdyqty ornatýmen jańa ǵımarattyń qurylysyn qarastyrady. Qala basshysy jylý jelilerin gıdrosynaý jáne jóndeý jumystary boıynsha barlyq jumystardy aǵymdaǵy jyldyń 25 qyrkúıegine deıin júrgizýdi tapsyrdy. Jalpy, eki qazandyqtaǵy qurylys jumystaryn kelesi jyldyń shilde aıynda aıaqtaý josparlanyp otyr. Nátıjesinde, qalada jylý energıasynyń kólemi edáýir artady, eski qubyrlardy aýystyrý ondaǵan jyldar boıy apat qaýpin boldyrmaıdy.
Jumys sapary barysynda ınjenerlik jelilerdiń tozyǵy jetkeni aıtyldy, onyń ishinde elektrmen jabdyqtaý 65%-ǵa, jylýmen jabdyqtaý 60%-ǵa, sýmen jabdyqtaý 55,8%-ǵa jáne gazben jabdyqtaý 36%-ǵa tozyp tur. Degenmen, ınjenerlik jelilerdiń tozýyn azaıtý boıynsha barlyq qajetti is-sharalar júrgizilýde. Osy baǵytta jyl saıyn 20 shaqyrym jylýmen jabdyqtaý, 80 shaqyrym elektrmen jabdyqtaý, 15 shaqyrym sýmen jabdyqtaý, 20 shaqyrym gazben jabdyqtaý jelileri rekonstrýksıalanady jáne jóndeledi.
Qala basshysy Erbolat Dosaev bas tiregen qalanyń tynys-tirshiligin qamtamasyz etetin mańyzdy nysandardyń biri JEO-2 boldy. Jylytý maýsymy qarsańynda kásiporynda energetıkalyq generasıalaý jabdyǵyna jóndeý júrgizilýde.
Nysandardy aralaǵannan keıin Almaty ákimi kóshpeli keńes ótkizip, onyń barysynda turǵyn úılerdiń, densaýlyq saqtaý jáne bilim berý nysandarynyń jylytý maýsymyna daıyndyǵy, sondaı-aq tutynýshylardyń komýnaldyq kásiporyndar aldyndaǵy debıtorlyq qaryzyn baǵalaý týraly esepterdi tyńdady. Qazirgi ýaqytta Almatyda komýnaldyq qyzmetter úshin qaryz somasy 3,2 mlrd teńgeni quraıdy. Negizgi boryshkerler jeke tulǵalar bolyp tabylady.
Jalpy, aldaǵy jylytý maýsymyna daıyndyq belgilengen kestege sáıkes júrgizilýde. Almaty ákimi Erbolat Dosaev bul jumysqa turaqty baqylaýdy qamtamasyz etý jáne birinshi kezekte 31 tamyzǵa deıingi merzimde áleýmettik nysandardy qysqa daıyndaýdy aıaqtaý qajettigin atap ótti.