Qazaqstanǵa bilikti İT mamandardy tartý úshin Digital Nomad Visa jobasy júzege asyrylady.
Ol Ortalyq Azıa jáne Túrki memleketteriniń startaptaryn qoldaýǵa baǵyttalǵan. Bul týarly Úkimet otyrysynda sıfrlyq damý, ınovasıalar jáne aeroǵarysh mınıstri aıtty, dep habarlaıdy Almaty-akshamy.kz qazaqstan.tv-ge silteme jasap.
Baǵdat Mýsınniń aıtýynsha biz byltyrdyń ózinde 334 mln AQSH dollarynyń İT qyzmetin shetelge eksporttappyz. Onyń jartysynya jýyǵy Elordada jumys istep turǵan Astana HAB qatysýshylarynyń ónimderi eken. Jalpy bul Astana hab jańa startaptardy jaryqqa shyǵarýǵa jáne ony álemdik naryqqa tanystyrýǵa múmkindik beretin jaqsy platforma retinde ózin kórsetip jatyr. Sondyqtan Qazaqstan aımaqtaǵy İT salasyndaǵy iri oıynshylardyń birine aınalyp kele jatyr dedi. Jalpy Qazaqstanda İT salasynda 16 myńnan astam kompanıa bar eken. Ondy 180 myńnan astam adam jumys istep jatyr.
Jalaqylary da óte jyldam, qarqyndy ósip jatqan kórinedi. Shamamen 1 jyldyń ishinde 100 myń teńgege artty dedi. Osylaısha İT salasy qarqyndy damyp jatyr. 2026 jylǵa deıin Prezıdent qoıǵan tapsyrmany ıaǵnı, 26 jylǵa deıin 1 mlrd dollardyń İT ónimin shetelge eksporttaý mejesin oryndaýǵa tolyq múmkindikter bar ekenin jetkizdi Baǵdat Mýsın.