Datasy Halyqaralyq Olımpıada komıtetiniń qurylǵan kúnine oraılastyrylǵan.
Qazaqstanda sporttyń tanymaldylyǵyn arttyrý maqsatynda halyqaralyq Olımpıada kúni ótedi, dep habarlaıdy Almaty-akshamy.kz
23 maýsymda Halyqaralyq Olımpıada komıtetiniń qoldaýymen búkil álemde Halyqaralyq Olımpıada kúni atap ótedi.
1948 jyly 42 sesıa kezinde Halyqaralyq Olımpıada komıteti Sankt-Morısede jyl saıyn 23 maýsymda Halyqaralyq Olımpıada kúnin atap ótý týraly sheshim qabyldady. Bul kún HOK-tyń qurylǵan kúnin - 1894 jylǵy 23 maýsymdy tarıhta máńgilikke qaldyrý úshin tańdap alyndy. Al oǵan bastamashy bolǵan, olımpıadalyq qozǵalystyń qaıta jandandyrý ıdeıasynyń janashyry baron Per de Kýberten Halyqaralyq atletıkalyq kongres aldynda sóz sóılep, óziniń tarıhı baıandamasyn usyndy.
Qazaqstannyń Ulttyq Olımpıada komıteti - álemdik aksıanyń belsendi qatysýshysy. Qazaqstanda olımpıadalyq qozǵalysty ilgeriletý jáne halyq arasynda sporttyń tanymaldylyǵyn arttyrý maqsatynda Olımpıada kúnin merekeleý 30 jyl boıy ótkizilip keledi.
Bul mereke, olımpıadalyq qozǵalystyń ózi sıaqty, barlyq shekteýler men shekaralardy joıyp, kúlli adamzatty biriktiredi. Al olımpıadalyq qozǵalystyń basty qundylyǵy - adam, negizgi prınsıpteri – dostyq, ózara túsinistik pen yntymaqtastyq.
Búginde Olımpıada oıyndarynyń jeńimpazy, eń bolmaǵanda onyń qatysýshysy bolýdy armandamaıtyn sportshy joq shyǵar. Sebebi olımpıada chempıondary - kez-kelgen eldiń maqtanyshy, betke ustar azamattary. Olımpıadalyq qozǵalystyń maqsattaryna keler bolsaq, olardyń biri - jastardy ózara túsinistik rýhyn nyǵaıtatyn sport arqyly tárbıeleý.
Tarıhı kúnge oraı elordadaǵy Trıatlon saıabaǵynda Olımpıada chempıondary men sport túrleri boıynsha júldegerlerdiń sheberlik sabaqtarymen, karate men taekvondodan kórme oıyndarymen úlken sport merekesi ótedi. Jas sportshylar men kórermender estafetalarǵa, túrli jarystar men baıqaýlarǵa qatysyp, QR UOK-tan estelik syılyqtar men kádesyılar alady.
Sonymen qatar, dástúr boıynsha QR UOK men sportshylar jyl saıyn "Olımpıada kúninde dúnıe esigin ashqan" aksıasyn ótkizip, búkil Qazaqstan boıynsha analar men jańa týǵan nárestelerge estelik syılyqtar tabystaıdy. Ondaǵy oı - anasy men balasyna qýanysh syılaý. Olımpıada kúninde týylǵandar keleshekte óz eliniń betke ustar azamattary bolar ne bolashaq Olımpıada chempıondary retinde tarıhta qalar, kim biledi?!