Qazir «Zańsyz kelýshi» operasıasy ótip jatyr.
Shymkent qalasynda halyqaralyq izdeýde bolǵan Ózbekstan azamaty ustaldy, dep habarlaıdy Almaty-akshamy.kz
Polısıa tutqyndaǵan shetel azamatyn kórshi memleketke ekstradısıalaý júrgizilýde.
«Zańsyz kelýshi» operasıasy 19-maýsymnan beri júrgizilip jatyr. Operasıa elimizge kóshi-qon zańnamasyn aınalyp kelgen shetel azamattaryn anyqtap, olardy ekstradısıalaýǵa arnalǵan.
Operasıa kezinde Shymkent qalasy PD Kóshi-qon qyzmeti basqarmasynyń qyzmetkerleri 4 sheteldik azamatty ustap, olar elimizden shyǵaryldy.
«Zańsyz kelýshi» is-sharasy aıasynda polıseıler qaladaǵy qurylys obektilerin, komýnaldyq úılerdi, bazarlardy, jataqhanalar men kópshilik jınalatyn oryndardy tekserip jatyr.
Osy rette shymkenttik polıseıler jergilikti azamattarǵa da eskertý jasap otyr. Iaǵnı, olar der kezinde sheteldikterdi ýaqtyly tirkemeı, zańsyz jumys istetip qoısa QR ÁQBtK-niń 518 jáne 519-baptaryna sáıkes ákimshilik jaýapkershilikke tartylady.