Elimizdegi farmasevtıka salasy aqshalaı ekvıvalentte 863 mlrd teńgeni qurap otyr
Farmasevtıka salasynda otandyq taýar óndirýshiler úlesi 162,6 mlrd teńgeni qurap otyr. Bul týraly QR Densaýlyq saqtaý vıse-mınıstri Jandos Búrkitbaev aıtty, dep habarlaıdy Almaty-akshamy.kz QazAqparatqa silteme jasap.
«Búgingi tańda elimizde farmasevtıka salasynda 97 óndirýshi jumys istep jatyr. Onyń 34-i - dárilik zattar shyǵarýmen aınalyssa, 41-i medısınalyq maqsattaǵy zattardy, 22-si medısınalyq tehnıka jasaýdy meńgergen», - dedi J. Búrkitbaev Ortalyq komýnıkasıalar qyzmetindegi baspasóz máslıhatynda.
Onyń aıtýynsha, elimizdegi farmasevtıka salasy aqshalaı ekvıvalentte 863 mlrd teńgeni qurap otyr. Sonyń arasynda otandyq taýar óndirýshiler úlesi 162,6 mlrd teńgeni qurady.
«2022 jyly jergilikti farmasevtıkalyq naryqtaǵy otandyq óndiristiń úlesi 19 paıyzdy, ımporttyq ónim 81 paıyzdy qurady», - dedi vıse-mınıstr.
Aıta keteıik, 2021 jylǵy Joldaýynda Memleket basshysy Qasym-Jomart Toqaev farmasevtıka ónerkásibine erekshe kóńil bólýdi tapsyrdy.
«Bizdegi dári-dármek pen medısınalyq qural-jabdyqtyń 17 paıyzy ǵana – otandyq ónim. 2025 jyly ony 50 paıyzǵa jetkizý qajet», - dedi Prezıdent.