Bıyl 11 tonnadan astam esirtkiniń aınalymynyń joly kesildi, dep habarlaıdy aqshamnews.kz
İİM-niń málimetinshe, bıyl jeti aıda elde 4655 esirtkige qatysty quqyqbuzýshylyq anyqtaldy. Onyń ishinde 2100-i aýyr jáne asa aýyr qylmystar sanatyna jatady.
Esirtkini jasyrýshylardan bastap ony taratýdy uıymdastyrýshylarǵa deıingi qylmystyq sqemalar ashyldy. 24 qylmystyq is qozǵalyp, onyń ishinde 3 transulttyq uıymdasqan top joıyldy. Nátıjesinde 12 jetekshi men 48 belsendi qatysýshy ustaldy.
Halyqaralyq yntymaqtastyq
İİM Reseı Federasıasymen birlesip, el aýmaǵynda birneshe esirtki zerthanasyn uıymdastyrǵan kúdiktini qolǵa túsirdi. Ol ótken jyldan beri halyqaralyq izdeýde bolǵan.
Esirtkimen kúrestiń nátıjeleri
11 tonnadan astam esirtkiniń aınalymǵa túsýine jol berilmedi;
Sıntetıkalyq esirtki kólemi úsh esege artyp, 1 tonnadan asty;
322 esirtki ósirý faktisi tirkeldi;
76 kontrabanda deregi anyqtaldy;
Jastar arasynda tanymal 20 myń esirtki saıty buǵattaldy;
Kúdikti operasıalarmen baılanysty 38 myń bank kartasy buǵattaldy (shottarynda 2,5 mlrd teńge bolǵan);
102 esirtki zerthanasy joıyldy (11-i sıntetıkalyq óndiris, 91-i fıtozerthana).
Ekonomıkalyq shyǵyn
İİM málimetinshe, esirtki bıznesine keltirilgen jalpy shyǵyn 110 mln AQSH dollaryn qurady.
Resmı túsinikteme
İİM Esirtki qylmysyna qarsy is-qımyl komıteti tóraǵasynyń m.a. Danıar Meıirhannyń aıtýynsha, esirtkige qarsy kúres baǵytyndaǵy jumystar jalǵasýda.