Fransýz kompanıasy elimizdiń 4 óńirinde elektrovoz óndirisin jáne olarǵa qyzmet kórsetetin ortalyqtardy ashýdy josparlap otyr.
Muny BAQ ókilderiniń qatysýymen ótken brıfıńte Syrtqy ister mınıstriniń orynbasary Roman Vasılenko aıtty, dep habarlaıdy Almaty-akshamy.kz QazAqparatqa silteme jasap.
«Total Energies» fransýz kompanıasynyń Jambyl oblysynda salyp jatqan qýaty 1 gıgavatt bolatyn jel elektr stansıasy jobasyna erekshe toqtalǵym keledi. Bul nysandy 2026-2027 jyldary paıdalanýǵa berý josparlanyp otyr. Onyń quny 1,9 mlrd dollarǵa baǵalanady. Budan basqa, «Alstom» kompanıasy Astana, Almaty qalalary men Jambyl jáne Túrkistan oblystarynda elektrovoz óndirisin jáne olarǵa qyzmet kórsetetin ortalyqtardy qurýdy josparlap otyr. Bul jobany iske asyrý kezinde 1 myńnan astam jergilikti mamandar daıarlanady», - dep josparlarǵa toqtaldy», - dep atap ótti Syrtqy ister mınıstriniń orynbasary.
Brıfıń barysynda Roman Vasılenko aımaqtaǵy geosaıası jaǵdaıǵa baılanysty kóptegen eýropalyq kompanıalar bizdiń elge kelýge nıet bildirip jatqanyn aıtty.
Sonymen birge mınıstrdiń orynbasary byltyr Qazaqstan men Eýropalyq odaq arasyndaǵy ózara taýar aınalymy 27,6%-ǵa ósip, 40 mlrd dollarǵa jetkenin atap ótti.