Sońǵy úsh aıda baǵa birshama tómendegen.
QR Strategıalyq josparlaý jáne reformalar agenttiginiń Ulttyq statısıka búrosynyń málimeti boıynsha, maýsym aıynda jalpy respýblıka boıynsha turǵyn úı quny 0,5 paıyzǵa arzandap, 486,9 myń teńge boldy, dep habarlaıdy Almaty-akshamy.kz
DataHub Birinshi kredıttik búro sarapshylarynyń pikirinshe, baǵa sońǵy 4 aıdyń úsheýinde birshama tómendegen. Iaǵnı, mamyrdan bastap baǵa ózgerisi baıqalady.
«Ekinshi deńgeıli turǵyn úıler baǵasy aqpannan beri kóterilgen joq. Qazir respýblıka boıynsha ortasha eseppen baspananyń ár sharshy metri jyl basyndaǵy kórsetkishten góri eki paıyzǵa arzan. Al bir jyl burynǵydan 1,9%-ǵa kóp, ınflásıa aıasynda bul – jaqsy kórsetkish», - deıdi mamandar.
Qaı óńirde úı arzandady?
Belgili bolǵandaı, maýsym aıynda ekinshi deńgeıli turǵyn úıler baǵasy 6 iri qalada tómendedi:
Kókshetaý – 4,2%-ǵa;
Aqtaý – 2,5%-ǵa;
Almaty – 1,2%-ǵa;
Óskemen, Qaraǵandy jáne Qostanaıda 0,4%-ǵa arzandady.
Resmı statısıka kórsetkendeı, baǵa tek Taldyqorǵan qalasynda 1,1%-ǵa ósken. Qalǵan qalalardyń bárinde maýsymda ekinshi deńgeıli turǵyn úı baǵasy ózgergen joq.
Jańa salynyp jatqan úılerdiń baǵasy qandaı?
Jańa salynyp jatqan úılerjiń baǵasy áli de qymbattap jatyr. Ótken aıda jańa turǵyn úı baǵasy 0,2%-ǵa (jyl basynan beri – 1,7%-ǵa) qymbattady. Ósim 4 qalada baıqalady:
Semeı – 2,8%-ǵa;
Shymkent – 2,1%-ǵa;
Taldyqorǵan – 1,4%-ǵa;
Aqtaýda 0,5%-ǵa qymbattaǵan.
Kókshetaýda jańa turǵyn úıdiń 1 sharshy metriniń quny 3,1%-ǵa arzandady. Basqa qalalarda baǵa ózgergen joq.
Respýblıka boıynsha jańa baspananyń ár sharshy metriniń ortasha quny 4– 86,9 myń teńge.
Páterdi jalǵa alý quny arzandy ma?
Naryqta páterdi jalǵa alý baǵasy da birshama arzandady. Maýsymda baǵanyń 0,5%-ǵa tómendegeni baıqalady. Degenmen baǵa ózgerisin tek úsh qaladan kóremiz: Almatyda (-0,8%) jáne Qostanaıda (-0,2%) baǵa tómendese, kerisinshe, Shymkentte (0,9%) azdap kóterilgen.
Turǵyn úıdiń 1 sharshy metrin jalǵa alý ortasha eseppen 4 633 teńge turady.
Naryqtaǵy baǵa ózgerisi
Sarapshylar Astanadaǵy (587,4 myń teńge) jańa baspananyń Almatydaǵydan (549,4 myń teńge) qymbattaı bastaǵanyn aıtady. Ekinshi deńgeıli turǵyn úıler, kerisinshe, Almatydan «614,2 myń teńge) góri elordada (601,7 myń teńge) qoljetimdi.
«Respýblıkanyń 20 iri qalasynyń 14-inde jańa qurylystar buryn salynǵan úılerden arzanyraq. Maýsymdaǵy quldyraýdan keıin Kókshetaý Qazaqstannyń eń arzan qalalarynyń birine aınaldy. Bul qaladaǵy ekinshi deńgeıli turǵyn úıler baǵasy 296,7 myń teńge turady. Eń arzan úıler Taraz qalasynda – 293,9 myń teńge», - deıdi mamandar.
Qazaqstan boıynsha ekinshi deńgeıli turǵyn úıdi óteý (satyp alý baǵasynyń jalǵa alý qunyna qatynasy) orta eseppen 109 aıdy quraıdy. Bul 9 jyldan sál kóbirek ýaqyt. Eń uzaq kórsetkishter Semeı (184 aı nemese 15,3 jyl) jáne Taldyqorǵan (178 aı nemese 14,9 jyl) qalalarynda tirkeldi. Almatyda kórsetkish 114 aı (9,5 jyl), Astanada 135 aı (11,3 jyl) bolyp otyr.