Qazaqstandaǵy eńbek naryǵyndaǵy jaǵdaı turaqty
Mundaı baǵany Ulttyq statısıka búrosy berip otyr, dep habarlaıdy Almaty-akshamy.kz Elorda.info-ǵa silteme jasap.
2022 jyldyń birinshi toqsanynda Qazaqstan ekonomıkasynyń túrli salalarynda 8,8 mıllıon adam jumyspen qamtylǵan, onyń ishinde 6,7 mıllıon adam jaldamaly jumys istegen (ekonomıkadaǵy jumyspen qamtylǵandardyń jalpy sanynyń 76,1 paıyzy), ózin-ózi jumyspen qamtyǵandar - 2,1 mıllıon adam (jumyspen qamtylǵandardyń jalpy sanynyń 23,9 paıyzy).
2021 jyldyń İ toqsanymen salystyrǵanda jalpy jumyspen qamtylǵandar 35,2 myń adamǵa ósti, negizinen jaldamaly qyzmetkerler esebinen (30,8 myń adam).
"Jumyssyzdar sany 453,1 myń adam. Jumyssyzdyq deńgeıi ózgerissiz - 4,9 paıyz. Jumyssyz, jumys izdemegen nemese jumys isteýge daıyn emes 63,1 myń adam", – dep habarlady búro.
15 pen 28 jas aralyǵyndaǵy jastar arasyndaǵy jumyssyzdyq deńgeıi 3,9 paıyz, jumys istemeıtin jáne bilimmen nemese oqýmen aınalyspaıtyn jastar úlesi 6,7 paıyz.
2022 jyldyń sáýir aıynyń sońynda Eńbek jáne halyqty áleýmettik qorǵaý mınıstrliginiń jumyspen qamtý organdarynda 193 myń jumyssyz tirkelgen.