Memleket basshysynyń tapsyrmasy boıynsha 2027 jylǵa deıin balalardyń shyǵarmashylyq jáne zıatkerlik áleýetin damytý maqsatynda balalardy saýyqtyrýǵa arnalǵan 50 ortalyq jáne odan bólek 100 qosymsha bilim berý nysany salynady, dep habarlaıdy aqshamnews.kz.
QR Oqý-aǵartý mınıstrliginiń baspasóz qyzmetiniń habarlaýynsha, bıyl óńirlerde 23 balalardy saýyqtyrý ortalyǵyn ashý jáne qosymsha bilim berý úshin 22 zamanaýı nysan salý josparlanýda.
Qazirgi tańda qosymsha bilim berýmen 3,3 mıllıon bala qamtylǵan. Osy baǵytta ǵylymı-tehnıkalyq, mýzykalyq, kórkemdik-estetıkalyq, ekologıalyq-bıologıalyq, týrısik-ólketaný, áskerı-patrıottyq, áleýmettik-pedagogıkalyq baǵyttar boıynsha mektepten tys 1 713 uıym jáne 380 úıirme jumys isteıdi. Elimizde barlyǵy 202-den astam balalardy saýyqtyrý ortalyǵy bar, onyń 17-si jyl boıy, 185-i maýsymdyq negizde jumys isteıdi.
Ómirlik qıyn jaǵdaıǵa tap bolǵan balalarǵa erekshe nazar aýdarylyp keledi. Alǵash ret devıantty minez-qulqy bar 10 myń balaǵa úıirmeler men seksıalarǵa proaktıvti formatta birinshi kezektilik basymdyǵymen tirkelý múmkindigi berildi.
Aıta keteıik, jańa nysandardyń qurylysy óner jáne shyǵarmashylyq salasynda bilim berýdiń qoljetimdiligi men sapasyn arttyrýǵa basa nazar aýdara otyryp, kezeń-kezeńimen júrgiziledi. Bul bastamalar oqýshylar men jas talanttardyń tulǵalyq damýyna jaǵdaı jasaıdy.