Sońǵy aıda berilgen kredıt úlesi 5,5%-ǵa artqan
Qarjy naryǵyn retteý jáne damytý agenttiginiń málimet boıynsha, elimizde 2022 jylǵy naýryzda 1,9 trln teńgege jańa kredıtter berildi. Bul ótken aqpan aıyna qaraǵanda 5,5%-ǵa kóp, dep habarlaıdy Almaty-akshamy.kz Inform.kz-ke silteme jasap.
Qarjy naryǵyn retteý jáne damytý agenttigine silteme jasap. Agenttiktiń málimetinshe, ekonomıkaǵa kredıtter 2022 jylǵy naýryzda 0,6%-ǵa ulǵaıyp, 19,2 trln teńgeni qurady. 2022 jylǵy naýryzda jeke tulǵalarǵa berilgen kredıtter 1,2%-ǵa 11,2 trln teńgege deıin ulǵaıdy, al zańdy tulǵalarǵa berilgen kredıtter 0,2%-ǵa 8,1 trln teńgege deıin tómendegen «2022 jylǵy naýryzda ulttyq valútadaǵy kredıtter kólemi 1,7%-ǵa 17,4 trln teńgege deıin ulǵaıdy, shetel valútasyndaǵy kredıtter kólemi, negizinen, teńgeniń aıyrbastaý baǵamynyń 5,7%-ǵa (bir dollar úshin 495,0 teńgeden 467,0 teńgege deıin) nyǵaıýy nátıjesinde 8%-ǵa 1,9 trln teńgege deıin tómendedi.
2022 jylǵy 1 naýryzda teńgemen kredıtterdiń úles salmaǵy 90,3%-dy qurady. 2022 jylǵy naýryzda 1,9 trln teńgege jańa kredıtter berildi, bul 2022 jylǵy aqpanǵa qaraǵanda 5,5%-ǵa kóp», - delingen habarlamada.
Sonymen qatar naýryz aıynyń qorytyndysy boıynsha 90 kúnnen astam merzimi ótken bereshegi bar kredıtterdiń úlesi kredıt portfeliniń jalpy kóleminiń 3,6%-n qurady (2022 jyldyń basynda – 3,3%). Shaǵyn jáne orta bıznesti esepke alǵanda zańdy tulǵalardyń portfelinde 90 kúnnen astam merzimi ótken bereshegi bar qaryzdardyń deńgeıi 4,3%-dy qurady (2022 jylǵy qańtarda – 3,4%). Jeke tulǵalardyń portfelinde – 3,7% (2022 jylǵy qańtarda – 3,7%). 90 kúnnen astam merzimi ótken bereshegi bar kredıtterdi provızıalarmen óteý deńgeıi 74,9%-dy qurady.