Úkimet basshysy zamanaýı sýarý tehnologıalaryn engizý boıynsha jumysty jandandyrý qajettigin atap ótti.
Onyń aıtýynsha, bul sý shyǵynyn azaıtyp, ónimdilikti arttyrýǵa múmkindik beredi. Bul týraly Úkimet otyrysynda aıtyldy, dep habarlaıdy Almaty-akshamy.kz.
«Elimizdiń qubylmaly klımatyna beıimdelgen jergilikti sorttardy ósirýge erekshe kóńil bólý kerek. Bıdaıdyń jańa sorttaryn ósirý jumystary nashar júrýde. Agrarlyq ǵylymı júıeni túbegeıli qaıta qaraý qajet», — dedi ol.
Premer-Mınıstrdiń aıtýynsha, aýyl sharýashylyǵy tehnıkalarynyń parkin jańartý máselesi de ózekti, óıtkeni ábden tozyǵy jetken tehnıka egis jumystarynyń sapasyna da áser etedi.
Osyǵan baılanysty Álıhan Smaıylov Agroónerkásip keshenniń, onyń ishinde dándi daqyldardyń otandyq seleksıasynyń ǵylymı áleýetin damytý jóninde naqty usynystar, sondaı-aq aýyl sharýashylyǵy tehnıkasy parkin jańartý boıynsha qosymsha yntalandyrý sharalaryn ázirleýdi tapsyrdy.