Jeke tulǵalarǵa beriletin kredıt kólemi jyl saıyn artyp keledi.
Elimizde bereshegi 90 kúnnen asyp ketken qaryz kólemi ósti, dep habarlaıdy Almaty-akshamy.kz Qarjy naryǵyn retteý jáne damý agenttigine silteme jasap.
2022 jylǵy 1 jeltoqsandaǵy jaǵdaı boıynsha, bank sektory boıynsha 90 kúnnen astam merzimi ótken bereshegi bar qaryzdardyń (NPL90+) deńgeıi jalpy nesıe portfeliniń 3,6%-yn nemese 850 mlrd teńgeni qurady. Bul kórsetkish 2022 jylǵy 1 qańtarda 3,3% nemese 669 mlrd teńge bolǵan edi.
«Sonymen qatar, jeke tulǵalarǵa beriletin kredıtter 2022 jylǵy qarashada 3,8%-ǵa ulǵaıyp, 13,9 trln teńgeni qurady (2022 jyldyń basynan beri 29,4%-ǵa ósti). Jeke tulǵalarǵa arnalǵan kredıtterdiń ósýine jeńildetilgen memlekettik ıpotekalyq baǵdarlamalardy iske asyrýdy jalǵastyrý nátıjesinde ıpotekalyq kredıtteýdiń 2,1%-ǵa 4,5 trln teńgege deıin ulǵaıýy, sondaı-aq tutynýshylyq qaryzdardyń 4,4%-ǵa7,6 trln teńgege deıin ósýi sebep boldy», - delingen agenttik habarlamasynda.