Balaly otbasylarǵa belsendi qoldaý kórsetilýde.
Qazaqstanda ataýly áleýmettik kómekti eseptemegende balaly otbasylarǵa jeti túrli járdemaqy men áleýmettik tólemder beriledi, dep habarlaıdy Almaty-akshamy.kz
QR Eńbek jáne halyqty áleýmettik qorǵaý mınıstrliginde atap ótkendeı, qazirgi tańda elimizde balaly otbasylarǵa respýblıkalyq búdjet esebinen memlekettik járdemaqylardyń 5 túri jáne Memlekettik áleýmettik saqtandyrý qorynan (budan ári – MÁSQ) áleýmettik tólemderdiń 2 túri tólenedi. Jumys isteıtin áıelder úshin júktilikke jáne bosanýǵa baılanysty tabysynan aıyrylǵan jaǵdaıda MÁSQ-ten birjolǵy tólemder taǵaıyndalady. Tólem mólsheri sońǵy 12 aıdaǵy ortasha aılyq tabysyna baılanysty. 4 aıdyń qorytyndysy boıynsha bul tólemdi 90 myńnan astam adam aldy. Ári qaraı bala týǵanda beriletin birjolǵy járdemaqy.
2024 jylǵy 1 qańtardan bastap bala týýǵa arnalǵan birjolǵy járdemaqy mólsheri ulǵaıdy. Bıyl dúnıege kelgen birinshi, ekinshi jáne úshinshi balalarǵa – 140 myń teńge, al tórtinshi jáne odan keıingi balalarǵa – 232 myń teńgeden astam tólenedi. Jyl basynan beri bul járdemaqyny 136 myńnan astam adam aldy.
Jumys istemeıtin áıelder bosanǵannan keıin bala bir jarym jasqa tolǵanǵa deıin onyń kútimine baılanysty járdemaqy alady. Kólemi balalardyń jalpy sanyna baılanysty jáne 21 266 teńgeden 32 859 teńgege deıin ózgerýi múmkin. Eger áıel bosanǵanǵa deıin jumys istegen bolsa, ol Memlekettik áleýmettik saqtandyrý qorynan osyndaı áleýmettik tólem ala alady. Onyń mólsheri sońǵy 2 jyldaǵy ortasha aılyq tabystyń 40 paıyzy bolady.
Sondaı-aq 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar kópbalaly otbasylarǵa beriletin járdemaqy. Járdemaqy mólsheri – 4 balasy bar otbasy úshin 59 183 teńgeden 8 balasy bar otbasylar úshin 118 144 teńgege deıin balalar sany boıynsha saralanǵan. Al odan da kóp balasy bar otbasylar úshin bul soma ár bala sanyna baılanysty 14 768 teńgege artyp otyrady. Bıyl bul járdemaqy 601,8 myń otbasyna tólenedi, bul maqsattarǵa 474,8 mlrd teńge qarastyrylǵan.
Kópbalaly analardyń bedelin arttyrý úshin ómir boıy aı saıynǵy memlekettik járdemaqy taǵaıyndalady, ol tabysyna qaramastan "Kúmis alqa" jáne "Altyn alqa" alqalarymen marapattalǵan áıelderge tólenedi. Bıyl bul járdemaqyny 237 myń 598 anaǵa tóleý josparlanýda, bul maqsatqa respýblıkalyq búdjetten 70 mlrd teńge qarastyrylǵan. Qazaqstanda az qamtylǵan otbasylarǵa erekshe qoldaý kórsetiledi. Ózderińiz biletindeı, balalardyń sanyna qaramastan ataýly áleýmettik kómek alýǵa quqyly. Onyń aıasynda 1 jastan 6 jasqa deıingi árbir balaǵa 1,5 AEK (5 538 teńge) kóleminde qosymsha tólemder bólinedi.
Qazaqstanda múmkindigi shekteýli balalarǵa da jeńildikter qarastyrylǵan. Mysaly, 7 jasqa deıingi balalarǵa eń tómengi kúnkóris deńgeıi 1,61, ıaǵnı 2024 jyly 69 885,7 teńge tólenedi, al ári qaraı múgedektik tobyna baılanysty bolady. Sondaı-aq balalarynyń syrqatyna baılanysty úıinde óz betinshe bilim berýge májbúr bolǵan ata-analar da memleketten ótemaqy ala alady. Onyń mólsheri otbasynyń turǵylyqty jerine baılanysty, mysaly, Almatyda tólem 12 AEK nemese 2024 jyly 44 304 teńge boldy.