Balabaqsha kezeginde neshe bala tur?
Respýblıka boıynsha balabaqshaǵa barýy tıis 250 myńnan astam bala kezekte tur, dep habarlaıdy Almaty-akshamy.kz
Bul týraly QR Oqý-aǵartý mınıstrligi Mektepke deıingi bilim departamentiniń dırektory Natalá Jumadildaeva aıtty.
"Búginde respýblıkada 11104 mektepke deıingi uıym jumys isteıdi. Olarǵa 1 mln 115 myń 460 bala barady. Balabaqshalar, shaǵyn ortalyqtar men bilim ordalarynyń mektepaldy toptarynda 336 614 balaǵa mektepaldy daıarlyq toptary uıymdastyrylǵan", - dedi spıker.
Onyń sózinshe, elimizde sońǵy 4 jylda balabaqshaǵa turý kezegi eki esege azaıdy.
"2-6 jastaǵy balalardy qamtý – 89,4%, 3-6 jastaǵy balalardy qamtý 98,3%-dy qurady. Desek te, balabaqsha kezegi áli saqtalýda. 2022 jyldyń aıaǵynda respýblıka boıynsha 1-6 jastaǵy 250 myńnan astam bala kezekte tur. Memleket basshysy qoıǵan mindetterdi iske asyrý aıasynda 3 jyl ishinde 222 340 jańa oryn ashý josparlanyp otyr", - dedi Natalá Jumadildaeva.