Arnaıy buıryqqa qol qoıyldy.
Básekelestikti qorǵaý jáne damytý agenttiginiń tóraǵasy Serik Jumanǵarınniń «Qazaqstan aýmaǵyndaǵy avtogaz quıý stansıalarynda avtokólikke janarmaı quıý úshin suıytylǵan munaı gazyn bólshek saýdada ótkizýge ýaqytsha memlekettik baǵa retteýdi engizý týraly» buıryǵy jarıalandy, dep habarlaıdy Almaty-akshamy.kz Egemen.kz silteme jasap.
«Qazaqstan aýmaǵyndaǵy avtogaz quıý stansıalarynda avtokólikke janarmaı quıý úshin suıytylǵan munaı gazyn bólshek saýdada ótkizýge ýaqytsha memlekettik baǵa retteý engizilsin.
Osy buıryqqa qosymshaǵa sáıkes Qazaqstan aýmaǵyndaǵy avtogaz quıý stansıalarynda avtokólikke janarmaı quıý úshin suıytylǵan munaı gazyn bólshek saýdada ótkizýge shekti baǵalar belgilensin.
Qazaqstan Respýblıkasy Básekelestikti qorǵaý jáne damytý agenttiginiń aýmaqtyq bólimsheleri Qazaqstan Respýblıkasynyń aýmaǵyndaǵy avtogaz quıý stansıalarynda avtokólikke janarmaı quıý úshin suıytylǵan munaı gazyn bólshek saýdada ótkizýdi júzege asyratyn tulǵalar belgilengen shekti baǵalardan asyp ketken jaǵdaıda uıǵarymdar shyǵarsyn jáne olar oryndalmaǵan jaǵdaıda Qazaqstan Respýblıkasy Ákimshilik quqyq buzýshylyq týraly Kodeksiniń 162-babyna sáıkes ákimshilik jaýaptylyqqa tartsyn.
Qazaqstan Respýblıkasy Básekelestikti qorǵaý jáne damytý agenttiginiń otyn-energetıka kesheni departamenti zańnamada belgilengen tártippen osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne osy buıryqtyń Qazaqstan Respýblıkasy Básekelestikti qorǵaý jáne damytý agenttiginiń ınternet-resýrsynda ornalastyrylýyn qamtamasyz etsin», - delingen qujatta.
Buıryq 2022 jylǵy 6 shildeden bastap 2023 jylǵy 1 qańtarǵa deıin qoldanylady.