Fermerler bul mal baǵasynyń tómendiginen deıdi.
Sondaı-aq elimizde bıyl tamyz aıynda qaıta kúshine engen iri qara maldy tirideı eksporttaýǵa shekteýlerdiń saldary degen oı aıtty, dep habarlaıdy Almaty-akshamy.kz «Habar 24» saıtyna silteme jasap.
Biraq et óńdeýshiler bul shekteýdi qoldaıdy. Bıyl Qazaqstanda asyl tuqymdy mal saýdasy úsh ese tómendedi. Óıtkeni sharýalardyń qarjysy joq. Saldarynan suranys tómendedi, - deıdi qazaqtyń aqbas tuqymdy sıyrlar respýblıkalyq palatasynyń dırektorlar keńesiniń tóraǵasy Qýanysh Súleımenov. Onyń aıtýynsha, adamdar qarapaıym jem shóp ala almaıdy. Jalpy asyl tuqymdy ónimniń baǵasy ótken jyldan bastap kóterilmegen. Al qazirgi baǵa fermerler úshin tıimsiz. Degenmen sharýalar nesıelerin jaýyp, basqa da maýsymdyq jumystaryn aıaqtaý úshin satýǵa májbúr,- deıdi ol. «Shopan-ata agro-qozǵalysynyń» tóraǵasy Almasbek Sadyrbaıdyń da oıy osy tustan shyǵady. «Kúzde sharýalarǵa qarjy kerek. Sondyqtan tiri mal eksportyn shekteý aýyldaǵy aǵaıynǵa qıyn tıedi»,- deıdi ol.
«Eger statısıkaǵa súıensek biz maldyń basy azaıǵanyn kórip otyrǵan joqpyz. Biraq syrtqa eksport azaıdy. Óıtkeni byltyrǵy jylǵy Aýyl sharýashylyǵy mınıstrliginiń jáne Saýda jáne ıntegrasıa mınıstrliginiń shekteýimen biz eksportqa tirideı mal shyǵarǵandy qoıdyq. Bir jaǵy ol jaqsy da. Tirideı eksportqa mal shyǵarýǵa bolmaıdy. Biraq asyl tuqymdy maldyń qundylyǵy ol etke ketip bara jatqan joq. Ol jaqsy naryqtyq baǵaǵa satylyp bara jatyr», - deıdi «Shopan-ata agro qozǵalysy» tóraǵasy Almasbek Sadyrbaı,