Sújet Jupar esimdi jas áıeldiń taǵdyryna negizdelgen
Ardaq Ámirqulov jańa fılmin kórermen nazaryna usynady, dep habarlaıdy Almaty-akshamy.kz Ulttyq kınony memlekettik qoldaý ortalyǵyna silteme jasap.
Belgili qazaqstandyq rejıser Ardaq Ámirqulov («Otyrardyń kúıreýi», «Qosh, Gúlsary!») «Jel toqtaǵan jer» atty jańa fılmin kórermen nazaryna usynýǵa daıyndalyp jatyr.
Týyndy QR Mádenıet jáne sport mınıstrliginiń tapsyrysy boıynsha Ulttyq kınony qoldaý memlekettik ortalyǵynyń kómegimen túsirilgen.
Sújet Jupar esimdi jas áıeldiń taǵdyryna negizdelgen. HH ǵasyrdyń 30-shy jyldarynyń basynda eki kishkentaı balanyń anasy jalǵan aıyppen Sibirge jer aýdarylǵan kúıeýin izdep jolǵa shyǵady.
Saıahat barysynda Jupar túrli qıyndyq pen synaqtan ótip, jol boıynda Qazaqstannyń sheksiz dalasynda asharshylyqtan ólýge qalǵan adamdardy kezdestiredi.
Fılmniń túsirilim jumystary ótken jyldyń kúzinde Almaty oblysy Jambyl aýdany Myńbaev aýylynda, Qosqudyq temirjol stansıasynda jáne Qonaev qalasynyń mańynda ótti.
Basty rólderdi Janar Shopanova, Salıh Beısenbaı, Meıirjan Musaqoja jáne basqalar somdap shyqty.
Jobanyń senarı avtorlary men rejıserleri - Ardaq Ámirqulov pen Baǵlan Qudaıberlıev.
Ámirqulovtyń aıtýynsha, fılm kópshilik kórermenge arnalǵan, óıtkeni kartına baıandaıtyn tragedıany is júzinde qazaqtyń ár otbasy bastan keshken.
Fılm aq-qara formatta túsirilgen.
«Aq-qara format sol jyldardaǵy atmosferany sezindirý úshin tańdaldy, ol kórermendi derekti shejirege baǵyttaıdy», - deıdi rejıser.
Qazirgi ýaqytta fılmdi montajdaý jumysy júrip jatyr.
Kartınany prokatqa shyǵarý osy jyldyń kúzine josparlanǵan. Sondaı-aq, fılm avtorlary halyqaralyq kınofestıvalderge de qatysý oıda bar deıdi.