Rejıser Aısultan Seıitov óziniń «Qash» debúttik fılminiń treılerin kórsetti.
Týyndynyń sújeti boıynsha 30-jyldardaǵy Qazaq ASSR-degi asharshylyq kezinde qabir qazýshy Isataı óz aýylyn qutqarý úshin jaqyn mańdaǵy qalaǵa qaýipti mısıaǵa attanady. Biraq jolda oǵan eshqaıda aparmaıtyn joldy kórsetetin kezbe adam jolyǵady.
Fılmde basty róldi Erkebulan Daıyrov somdaıtyny belgili. Sondaı-aq kórermen epızodtyq rólderden reseılik akterler Varvar Shmykov pen Aleksandr Paldi kóretin bolady, dep habarlaıdy Almaty-akshamy.kz.
Fılmniń premerasy 1 jeltoqsanda bolady dep kútilýde.
Aısultan Seıitov – qazaqstandyq rejıser, klıpmeıker. Nú-Iork kıno akademıasynda «rejıssýra» baǵyty boıynsha oqyǵan. Hype Production óndiristik kompanıasymen yntymaqtasady. 21 Savage, J. Cole jáne Offset sıaqty reperlermen jumys istegen. Klıpi úshin A Lot áni MTV Video Music Awards nomınasıasyn aldy. Ol sonymen qatar rep ártisi Kanye West-tiń jańa álbomynyń rejıseri boldy.
Aısultan fılm túsiretinin 2021 jyldyń jeltoqsanynda aıtqan bolatyn. Qańtar aıynda Qazaqstanda tártipsizdikter bastalǵan kezde rejıser Otanyna oralyp, óziniń shyǵarmashylyq jolyn osynda jalǵastyrýdy josparlap otyrǵanyn málimdegen edi.