Bul kásiporyndardy iriktep zertteý nátıjelerinen shyqqan tujyrym.
Monıtorıń jumyspen qamtylǵan halyqtyń shamamen 20%-yn jáne saýda men bilim berýden basqa barlyq negizgi salalardy qamtydy, dep habarlaıdy Almaty-akshamy.kz
QR SJRA USB derekteri boıynsha, Qazaqstanda árbir úshinshi qyzmetker qolaısyz eńbek jaǵdaılarynda jumys isteıdi. Dálirek aıtsaq, 2023 jyly tekserilgen kásiporyndardyń jalpy tizimdegi qyzmetkeriniń 30,7%-y qolaısyz eńbek jaǵdaılarynda jumys jasaıdy (1,7 mln adamnyń 519,4-i). Bul bes jyl burynǵydan 2,9 p.t. artyq.
Árıne, eń joǵary kórsetkish ónerkásip (50,5%), kólik jáne qoımalaý (39,3%) salalarynda baıqalatyny tańǵalarlyq jaıt emes. Al turý jáne tamaqtaný qyzmetteri (2,9%), aqparat jáne baılanys (2,1%) salalarynda kórsetkish nólge jaqyn.
Óńirlerdiń ishinde Mańǵystaý (59%) jáne Qaraǵandy (55,9%) oblystarynda kóbirek. Eń azy - Almaty (14%) jáne Qyzylorda (13,6%) oblystarynda.