"Tótenshe jaǵdaı" telehıkaıasyn qutqarýshylardyń kúndelikti ómirindegi shynaıy oqıǵalar negizinde túsirilgen, bul taýly - ormandy jerlerde, turmysta, sý aıdyndarynda halyqtyń is-áreketine, sondaı-aq kúndelikti ómirdegi tirshilik qaýipsizdigi negizderine baǵyttalǵan oqytý elementterin qamtıdy, dep habarlaıdy Almaty-akshamy.kz.
Bul jobanyń túsirilimine otandyq kınomatografıa akterleri, sondaı - aq TJD, QR TJM Apattar medısınasy ortalyǵynyń, Respýblıkalyq jedel-qutqarý jasaǵynyń qyzmetkerleri tartyldy.
Tabysty kásipker inisiniń balasy Aslannyń ómir saltyna kóz jumýdan sharshady. Tárbıeleý maqsatynda ol ony Almaty qalasynyń TJ departamentine jumysqa ornalastyrady. TJD qyzmetinde Aslan Tótenshe jaǵdaılardy joıý basqarmasy komandasynyń quramyna kiredi. Onyń komandasy qaladaǵy barlyq tótenshe jaǵdaılarǵa den qoıady, kezekshilikke kirisedi, órtti sóndiredi, adamdardy qutqarady jáne sonymen birge qalyptasqan ujymmen dostasýǵa tyrysady. Ýaqyt óte kele Aslan qutqarýshynyń jumysy ol oılaǵandaı ońaı emes ekenin jáne áriptesteriniń qurmetine ıe bolýǵa tyrysý kerek ekenin túsine bastaıdy.
Aıta ketý kerek, Almaty qalasy TJ departamenti qyzmetiniń basymdylyǵy azamattardyń ómirin, densaýlyǵyn jáne múlkin tótenshe jaǵdaılardan qorǵaý bolyp tabylady. Sonymen qatar, megapolıs ekonomıkasynyń turaqty damýynda oryndalatyn profılaktıkalyq is - sharalardyń sapasy, TJ ýaqtyly joıý, onyń tıimdiligine materıaldyq-tehnıkalyq jáne kadrlyq qamtamasyz etýdiń jıyntyǵymen qol jetkizý mańyzdy ról atqarady.