Qazaqstannyń naryǵynda taǵam jetkizýshilerdiń qyzmetin endi dron atqarýy múmkin.
Ushý apparaty 20 kelige deıin salmaqty kóterýge qaýqarly. Tehnıkanyń jańa túri "Digital bridge" kórmesine qoıyldy, dep habarlaıdy Almaty-akshamy.kz Astanatv.kz-ke silteme jasap.
Joba avtory Amerıkanyń "ARC" kompanıasy. Mekemeniń tehnıkalyq dırektory Álibek Ertaı, buǵan deıingi drondar tek 5 kelige deıin ǵana kóterýge qaýqarly bolǵanyn aıtady.
Al, jańadan qurastyrylǵan apparat aýyr salmaqty tez jetkizip beredi.
«Jıyrma kelige deıin kótere alady. Bir saǵat ushady dalada. 42-45 km jyldamdyqpen ushyp júredi. Biz Qazaqstanda bulardy alyp kelmeı, osy jaqta jasaǵymyz keledi. Ekinshiden, osy jaqta tasymaldaýdy bastaǵymyz keledi», - deıdi "ARC" kompanıasynyń tehnıkalyq dırektory Álibek Ertaı.
Túrli kreatıvti ıdeıamen, smart tehnologıanyń sońǵy úlgisimen jasalǵan osyndaı túrli jobalar kórmege qoıyldy.
«Qazaqstan IT memleket", "Jasandy ıntellektti paıdalanýdyń syn-qateri men táýekelderi", "Jasandy ıntellekt shyǵarmashylyq ortany qalaı ózgertedi" syndy túrli taqyryptarda paneldik sesıalar da uıymdastyryldy. Maman retinde jaýap bergen kınorejısser jáne prodúser Tımýr Bekmambetov jasandy ıntellekt akterlerdiń kómekshisi bolatynyna senimdi. Jasandy ıntellektti ózimiz jasap otyrmyz. Balamyz syndy. Biz durys tárbıeleıtin bolsaq, ol bizge kómektesetin bolady», -deıdi kınorejısser jáne prodúserTımýr Bekmambetov.