Ortalyqta jyl saıyn 20 myńǵa jýyq áıelge qoldaý kórsetiledi.
Áıelderdi qoldaý ortalyqtaryn barlyq óńirlerde qurý josparlanǵan, dep habarlaıdy Almaty-akshamy.kz
Bul týraly Úkimet otyrysynda QR Eńbek jáne halyqty áleýmettik qorǵaý mınıstri Serik Shápkenov aıtty.
Onyń aıtýynsha, 2025 jylǵa deıingi halyq tabysyn arttyrý jónindegi baǵdarlama aıasynda jastardy jumysqa baýlý jáne yntalandyrý úshin zańnamaǵa «jas jumysshy» uǵymy engiziledi. Olar úshin synaq merzimi alynyp tastalady. Sonymen qatar basqa óńirden kelgen jastarǵa turǵyn úı jaldaý úshin kóterme járdemaqy engizý boıynsha is-sharalar qoldanylady.
«Kóp balaly otbasylar men múgedektigi bar balalardy tárbıelep otyrǵan otbasylar úshin qazirgi kezde qyzmet etetin úlgidegi Áıelderdi qoldaý ortalyqtaryn barlyq óńirlerde qurý josparlaýda. Bul ortalyqtarda jyl saıyn 20 myńǵa jýyq áıelge keshendi qoldaý kórsetiledi», - dedi Serik Shápkenov.