Eki myńnan asa kásipker taýarlaryna belgi basyp úlgerdi.
Jańa erejege kóshý eki jyl buryn mindettelgenimen, bıylǵy sáýirge deıin shegerilgen edi. Sebebi kásipkerlerge jańa júıege daıyndalýǵa ýaqyt qajet boldy. Endi tutynýshylar arnaıy kod arqyly ónimniń sapasyn baqylap, ózine qajet aqparatty taba alady, dep habarlaıdy Almaty-akshamy.kz 24.kz-ke silteme jasap.
Bul, eń aldymen, kóleńkeli kásippen kúresýge múmkindik beredi. Sondaı-aq búdjetke túsetin qarajat artady. Osyǵan deıin quzyrly organdar saýda ornyndaǵy árbir ekinshi aıaq kıim elge zańsyz kiretinin anyqtaǵan. Budan bylaı elge kirip-shyqqan ár taýar baqylaýda bolady.
«Satyp alýǵa árbir aıaq kıimniń sapasyn bilý kerek. Qaı jaqtan engizilgen, qaı jaqtan kirgizilgenin bilý kerek. Onyń sapasy boıynsha taza bylǵary nemese dermantın ekenin bilý qajet dep eseptelinedi. 620 qaýlysy boıynsha árbir kod eki teńge 68 tıyn bolyp sanalady. Bul QQS qospaǵan kezde», - deıdi biryńǵaı tańbalaý jáne qadaǵalaý operatorynyń menedjeri Ásem Japanbaeva.