Satylym ótken jylǵa qaraǵanda 3,3%-ǵa ósken
Byltyrǵy qyrkúıek aıyndaǵy nátıjelermen salystyrǵanda bıyl satylym 3,3 paıyzǵa ósken. Ótken 9 aıda elimiz boıynsha 86 566 jańa kólik satyldy, dep habarlaıdy Almaty-akshamy.kz Express Qazaqstan-ǵa silteme jasap.
Qazaqstannyń avtobıznes qaýymdastyǵynyń málimeti boıynsha, bıylǵy qyrkúıek aıynda Qazaqstanda 10517 jańa jeńil jáne komersıalyq kólik satyldy. Týra osy kórsetkishti ótken jylmen salystyrsaq, 3,3 paıyz ósim bar.
Endi 2021 jylǵy 9 aıdyń nátıjesine toqtalaıyq. Sonymen barlyǵy 86 566 kólik satyldy, onyń 79 444-i jeńil, 7 122-si komersıalyq avtomobıl. Bul 2020 jylǵy qańtar-qyrkúıegine qaraǵanda 36,3 paıyzǵa kóp ekenin aıta keteıik.
Avtobıznes qaýymdastyǵynyń boljamy boıynsha, jyl sońyna deıin elimizde 110-115 myń jańa avtokólik satylady. Osylaısha bıyl sońǵy 5 jylda bolmaǵan rekord tirkelýi múmkin.