Kóbine tazalyq saqtamaǵannyń kesirinen juǵady.
Bıyl bul dertke shaldyqqan naýqastar sany 1,9 ese artqan, dep habarlaıdy Almaty-akshamy.kz
"2024 jyldyń basynan beri elimizde jiti A vırýstyq gepatıtiniń 850 jaǵdaıy tirkeldi, bul - ótken jylmen salystyrǵanda 1,9 ese joǵary kórsetkish", delingen QR Densaýlyq saqtaý mınıstrliginiń 24 naýryzda taratqan habarlamasynda.
A vırýstyq gepatıttiń berilý joldary:
las sýmen, buzylǵan taǵammen jáne naýqaspen baılanysta bolǵannan keıin kir qoldar arqyly beriledi.
A vırýstyq gepatıti aýrýynyń belgileri:
dene temperatýrasynyń joǵarylaýy,
bastyń aýrýy,
tábettiń tómendeýi,
enjarlyq,
júrektiń aınýy, qusý.
Inkýbasıalyq kezeń - 14-ten 35 kúnge deıin.
A gepatıtimen aýyratyn naýqas sımptomdar paıda bolǵanǵa deıin eki aptada jáne bir aptadan keıin basqalarǵa aýrýdy juqtyra bastaıdy.
Vaksınalaý A vırýstyq gepatıtinen qorǵaıdy.
Vaksınasıalaýǵa jatatyn toptar:
eki jastaǵy balalar;
ınfeksıa oshaqtaryndaǵy naýqaspen baılanystaǵy adamdar.
Gepatıtten qalaı saqtanýǵa bolady:
tamaqtanar aldynda, dárethanaǵa barǵannan keıin, jumystan oralǵanda, serýendegende qolyńyzdy jýyńyz;
ashyq sý qoımalarynan alynǵan sýdy qaınatpaı ishpeńiz jáne onymen jemister men kókónisterdi jýýǵa bolmaıdy;
lastanǵan sý aıdyndarynda shomylýǵa bolmaıdy.