Mundaı sheshim 25 tamyz ben 5 qyrkúıek aralyǵynda jalpy maqsattaǵy avıasıany paıdalanýshylarǵa jospardan tys tekserý júrgizýden keıin qabyldandy, - dep habarlaıdy Aqshamnews.kz.
Onyń aldyn ala qorytyndysy kólik vıse-mınıstri Talǵat Lastaev ótkizgen keńeste aıtyldy.
Qazaqstannyń avıasıalyq ákimshiligi jalpy maqsattaǵy avıasıa paıdalanýshylarynyń 31 áýe kemesine tekserý júrgizip, azamattyq avıasıa salasyndaǵy normatıvtik quqyqtyq aktiler talaptarynyń saqtalmaǵanyn anyqtady. Nátıjesinde 7 jeńil ushaqtyń ushýy ýaqytsha toqtatyldy.
Qazaqstannyń avıasıalyq ákimshiligi zańnamada belgilengen ókilettikter aıasynda JMA operatorlarynyń qyzmetine, onyń ishinde jeke tulǵalardyń zańsyz ushýlar týraly ótinishteri boıynsha, sondaı-aq buqaralyq aqparat quraldaryndaǵy jáne áleýmettik jelilerdegi jarıalanymdarǵa monıtorıń júrgizý arqyly jumysty jalǵastyrýda. Sońǵy kezderi áleýmettik jelilerde (Instagram, TikTok, Telegram)«eksklúzıv», «ekskýrsıa» jáne basqa da reısterge arnalǵan jarnamalar jıilep ketti, al olardyń kópshiliginde arnaıy ruqsattar joq.
Qazaqstannyń avıasıalyq ákimshiligi «Qazaqstan Respýblıkasynyń áýe keńistigin paıdalaný jáne avıasıa qyzmeti týraly» Qazaqstan Respýblıkasynyń Zańyna sáıkes jalpy maqsattaǵy avıasıany paıdalanýshylarǵa aqyly nemese jaldamaly áýe tasymaldaryn, avıasıalyq jumystardy oryndaýǵa tyıym salynǵanyn eskertedi. Talaptardy buzǵan operatorlar zańda kózdelgen jaýapkershilikke tartylady.