Biraq kórsetkish budan kóp bolýy múmkin.
Óıtkeni syry beımálim dertti der kezinde anyqtaý kenje qalyp keledi. Almatyda ótken «Aýtızm. Jańa múmkindikter» atty halyqaralyq konferensıada ǵalymdar men pedagog-psıhologtar aýtızmge shaldyqqan balalarmen jumys isteýdegi ozyq ádistemelerdi ortaǵa saldy, dep habarlaıdy Almaty-akshamy.kz 24.kz-ke silteme jasap.
Álemde 80 mln adam aýtızmniń azabyn tartyp keledi. Al Qazaqstan bul dertke osydan 10 jyl buryn ǵana nazar aýdaryp, erekshe balalarmen jumys júrgizile bastady. Búginde elimizde 11 aýtızm ortalyǵy bar. Onda 200-den astam maman óz álemi bar erekshe balalardy ortaǵa qosý úshin eńbek etip keledi. «Halyqaralyq ádistemelerge negizdelgen arnaıy baǵdarlamalar boıynsha aýtıst balalardyń ómirlik, áleýmettik daǵdylaryn qalyptastyrýǵa bolady», - deıdi mamandar. Eń bastysy - erte dıagnostıkalaý.
«Balanyń aınalasymen qarym-qatynas jasaǵysy kelmeýi - aýrýdyń birinshi belgisi. Sondaı-aq bala zer salmasa, esimin ataǵanda qaramasa, ata-analar oǵan mán berýi kerek. Tek oıynshyq oınaýmen shektelse, qabyrǵadan qabyrǵaǵa júgirse, emosıasyn kórsetpese, muny dabyl dep qabyldaý kerek. Mundaı qylyqtardy balanyń boıynan 1,5-2 jasynda ańǵarýǵa bolady. Eger osyndaı belgiler baıqalsa, mamandarǵa júgingen durys», - deıdi aýtızm ortalyǵynyń jetekshisi Almıra Kalımova.