«Órleý» biliktilikti arttyrý ulttyq ortalyǵy mektepke deıingi jáne orta bilim berý pedagogteri úshin tegin biliktilikti arttyrý kýrstaryn ótkizýde.
Búgingi tańda 28 myńnan astam pedagog biliktilikti arttyrý kýrsyn aıaqtady. Kýrstar osy jyldyń qarasha aıynyń sońyna deıin jalǵasady, dep habarlaıdy Almaty-akshamy.kz Oqý-aǵartý mınıstrligine silteme jasap.
«Búginde bizdiń ortalyqtyń oqytýshylary 1105-ten astam kýrs ótkizdi, onda 28 myńnan astam pedagog biliktiligin arttyrdy. Ár pedagog kýrstan keıin alǵan bilimderi boıynsha baǵalanady jáne oqytýdyń tıimdiligine taldaý jasalady», – deıdi «Órleý» ortalyǵynyń basqarma tóraǵasy Aıdana Shılıbekova.
Esterińizge sala keteıik, oqý kýrstary osy jyldyń aqpan aıynyń sońynda bastaldy. Ortalyq 80 myńnan astam pedagogti, onyń ishinde mektepke deıingi oqytý jáne tárbıeleý júıesiniń 11 myńnan astam pedagogi jáne 68 myńnan astam mektep pedagogi oqytýdy josparlaýda.