Elimizde 16 maýsymdaǵy jaǵdaı boıynsha 161 myń avtomobıl zańdastyryldy, taǵy 13 myńnan astamy tirkelip jatyr, dep habarlaıdy Almaty-akshamy.kz.
Bul týraly İshki ister mınıstrliginde ótken aptalyq baspasóz máslıhatynda QR İİM Ákimshilik polısıa komıtetiniń erekshe tapsyrmalar jónindegi aǵa ınspektory Altynbek Jamalıev málimdedi. -dep jazdy BAQ.KZ tilshisi.
Elimizde 22 mamyrdan bastap 7 myńǵa jýyq avtomobıl-konstrýktorlar qazaqstandyq esepke qoıyldy. Kóptegen azamat óz kólikterin zańdastyrýǵa úlgermeı qalýy múmkin degen alańdaýshylyq bildirdi. Osyǵan baılanysty bıylǵy jyldyń 1 shildesine deıin ótinim bergen Qazaqstannyń barlyq azamatyna kórsetilgen merzimnen keıin avtomobılderdi zańdastyrý quqyǵy beriletinin habarlaǵym keledi, – dedi Altynbek Jamalıev.
Aıtýynsha, tirkeý týraly mindettemeniń sharttaryn oryndaǵan avtokólik ıelerine, kólikterin 5 jyl merzimge ýaqytsha esepke qoıý quqyǵy beriletin bolady.
Eýrazıalyq ekonomıkalyq odaq elderinde burynǵy tirkelgen jeri boıynsha esepten shyǵarylmaǵan jáne osy sebepti zańdastyrylmaǵan avtomobılderge keletin bolsaq. Sonymen qatar olar keri áketý nemese olardy keıin Qazaqstannyń zańdastyrý talaptaryna sáıkes bastapqy tirkeý týraly mindetteme sharttaryn oryndaıtyn bolsa, atalǵan avtokólik ıelerine kólikterin Qazaqstan Respýblıkasynda 5 jyl merzimge ýaqytsha esepke qoıý quqyǵy beriletin bolady. Ýaqytsha esepke qoıý kezinde kólik quralyn tirkeý týraly kýálik jáne Qazaqstan Respýblıkasynyń memlekettik nómirlik belgileri beriletin bolady (MTNB úshin memlekettik baj tólenedi – 9 660 teńge, KQTK-4 313 teńge, al ádettegi tirkeý úshin alym - 863 teńge) Tirkeý týraly kýálikte ıelikten shyǵarý jáne Qazaqstan Respýblıkasynan tys jerlerge shyǵý quqyǵynsyz ýaqytsha esepke alý jazbalary kórsetiledi, – dedi QR İİM Ákimshilik polısıa komıtetiniń erekshe tapsyrmalar jónindegi aǵa ınspektory Altynbek Jamalıev.